2 Malikwa 12:20 - NABUWWA KEE MALIKWA

^20-21 Doolat-saqoltik namma num Malik-Yooqasak abtu waytaamal malisse. A namma num Simqat-baxa-Yodakar kee Soomer-baxa-Yahodbadak ten. Kaa elle qideenim, Silla fan ooba gitak Beet-Millo deqsita caafatak ten. Yooqas, Dawud-Magaalah addal malik kee malik buxah mara edde yoogoqen kabrit yoogoqen. Kay baxi-Amaxya kay lakal malik yekke.

2 Malikwa 12:20 ပူးပေါင်းရင်းမြစ်များ

2 Samuwel 5:9

Megdebwa teetik yibbixeenik wadir, Dawud dabqah teetil gaceeh, «Dawud-Magaala» 'yaanam migaaqah teetih yeyyeeqen. Naharak ayrô-mawqa le kabut raqta baaxoy ramma luk sugte missoysak baahak, tet dariifal magaala xisen.

1 Malikwa 11:27

Suleeman kee too numih fanih umaane naharak elle uguttem annak ten. Suleeman Yarusalaam magaalak ayrô-mawqa le kabut raqta exxa fayyak ramma cabsiisa'gidih, bullaaqek kibakaay magaalat maroh tan gasok tiddigille exxaaxi elle bicsiisak suge'kkel,

1 Malikwa 14:29

Wohuk kalah taniimiy Racabqam abba heehiyya Yuudâ-Malikwah-Aydaada deqsita kitaabih addal tan.

2 Malikwa 12:19

Wohuk kalah taniimiy Malik-Yooqas abba heehiyya inkih Yuudâ-Malikwah-Aydaada deqsita kitaabih addal tan.

2 Malikwa 14:5

Amaxya malik tikka 'yeh qande baahe saaku, kay abbay malik sugehiyya qide maray doolatak saqoltih sugehiyya caneh qide.

2 Malikwa 21:23

Amon gubal saqoltih yen mari kaa qidaamal malse. Too mari ayrok teena, malik isi buxal yan waqdi, amma 'yeenih kaa qiden.

2 Malikwa 8:23

Ahak raqteemiy Yacooram abehiyya inkih Yuudâ-Malikwah-Aydaada deqsita kitaabih addal tan.

2 Aydaad 25:27

Yallih yab cinna heeh isih faxaamih abittot gace ayrook wadir, Yarusalaam magaalal sinam kaak abta waytaamat malisak sugte. Sarrak Laakis deqsitta magaala fanah awyah gexe. Takkay immay kaa niqibuk yen mari tokke fanah lakal kaak gexxa 'yeenih kaa qiden.

2 Aydaad 33:24

Amon gubal saqoltih yan mari kaa qidaamal malse. Too mari ayrok teena malik isi qaril yan waqdi, amma 'yeenih kaa qiden.

Makaabon 9:6

Sarrî-saaku Seekem kee Beet-Millo deqsitta magaalah mari titta geyya heeh, Seekemil qamiddi garil tan garsah gubal Abimalik reediseeniih, malik kaa aben.