2 Malikwa 12:10 - NABUWWA KEE MALIKWA

¹⁰ Sandugut mango lakqo gacinnaan waqdi, malik-kutbe-abeena kee kaxxa sek amma 'teh woo lakqo lowwu heenih sarrak olot haak sugen.

2 Malikwa 12:10 ပူးပေါင်းရင်းမြစ်များ

2 Samuwel 20:25

Sawa kutbe-abeenah yen. Saaduk kee Abiyataar diini abbobtik ten.

2 Samuwel 8:17

Aciitúb-Saaduk deqsita num kee Abiyatáar-Acimalek diini abbootan luk yenen. Seraaya deqsita num kaadu malikik kutbe-abeenah yen.

2 Malikwa 12:11

Woo lakqo kinnih gide yuktubeenih raaqiseenik sarra, YALLIH Qibaadah-Qarih-taamah-bici gabat akak yan marih gabal haak sugen. Woo mari kaadu woo lakqo YALLIH Qibaadah-Qarih-bicsih-duyye cooxuk bicsa mara kee xisne aba maraay

2 Malikwa 19:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh, Amox-baxa-nabi-Yasaqya fan farmoh ken ruube. Oson kaadu sartanah *qabuudut gaceenih gexen.

2 Malikwa 22:12

Sarrak Cilkiyya deqsita numuy seekih yeneey, Safan baxa Acikamaay, Miikayhu baxa Qakboruuy, malik buxal kutbe-abeh suge Safan kee, malik buxal malik faxaamih taamat yen Qasaaya deqsita numul amri oobise.

2 Malikwa 23:4

Tohuk lakal malik kaxxa seekih yan Cilkiyya kee, kay gubal tan seeka kee, YALLIH Qibaadah-Qarih culmak afal dacayrih yen marak iyyeemih, «Gexay, YALLIH Qibaadah-Qarih addal tan duyyey Baqal kee Aseera akak iyyaanamay yallah loonuh qibaadah heenihiyya, wokkeh addak eyyeeqa. Cutuukah qibaadah heen duyye kaadu wokkek addak kala» iyye. Too duyye tokkek yeyyeeqen waqdi, beyya heenih, magaalak afal Kidroon deqsitta goloh addal gira edde ruuben. «Too girak raaqe gombod Beetal fan beya» iyye.

2 Malikwa 5:23

Niqmaan too waqdi, «Kee, ku maganak lakqok lica alfih garsi yok bey. Too gide bee waytek, matakka» iyye. Sarrak woo lakqo namma kiisit kaah hayya heeh, kalah kaadu sartanak tonnah, namma qaynat isi taamah marak nammayal hayya heeh Gecdik naharat ken ruube.

1 Aydaad 9:19

Sallum Koorê-baxaay, Koore Ibiyaasaf-baxaay, Ibiyaasaf Korac-baxak ten. Dumah yan dabaanal Korac akak rade mari, YALLIH mari elle yinfiddigen aracat dacayrih elle yenen innal, Sallum kee kaah ramad le maray Koracak radehiyya YALLIH Nabnah-Siraqih afat dacayrih yen marak ten.

2 Aydaad 24:11

Kulli ayro sahda gexxa 'te waqdi, Leewih mari sandug malik gubal taamita maral acayuk yenen. Sandug lakqok kibbiiminnaan waqdi, malik kutbe-abeena kee kaxxa seekih afak yan num sanduguk lakqo eyyeqqa hayteh, sandug elle suge ikkel gacisak yenen. Tonnal abak mango lakqo gaaboysen.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.