2 Malikwa 11:19 - NABUWWA KEE MALIKWA

¹⁹ Sarrak is kee qaskar-abbobtiiy malik buxah marat dacayrih tan qaskar kee, malik-buxa dacrissa qaskar, malik maraasiyya heenih, YALLIH Qibaadah-Qariik malik buxa fan kaa been. Raqqa 'te ummatta inkih lakak ken katayak malik qari fan ken lih gexxe. Wokke gufe waqdi Malik-Yooqas malik-qari qaskar akak culta afak culeeh, dardaarinni-korsil daffee.

2 Malikwa 11:19 ပူးပေါင်းရင်းမြစ်များ

1 Malikwa 1:13

Ta waqdiik Malik Dawud fan gexxa xicay, ‹Yi malikow, yi lakal malik takku waytam ku baxa Suleeman, 'yaanamih qahdi yoh culte way, Qadoona malik elle yekkem manna?› kaak inxic.

1 Malikwa 14:27

Malik Racabqam woo goobwah aftok nacaasak bicsen goobwa bicissa heeh; sarrak malik qarih afal dacayrih yan maral amaanatah yecee.

1 Aydaad 29:23

Tonnal Suleeman, isi abbah aracay YALLI keenih yeceehiyyal, malik yekke. Suleeman malik yekkek wadiril, abinnaanim gabal kaak bicteeh, Israayil mari kaadu kaah rammitakaay amri kaak oggolak yenen.

2 Aydaad 23:19

Tohuk kalah kaadu, Qibaadâ-Qari taahir maliinoh yamaate mara waasu waa maray Qibaadâ-Qarik culmal dacayrih gacu waahiyya doore.

2 Aydaad 23:20

Tohuk inkih gaba kalla hee waqdi, qaskar abbobti kee makaabonuuy doolatak saqoltih yan mara kee wokkel suggu 'ye ayyunti inkih, sek Yoyadaq lih gacca 'yeh, Qibaadâ-Qarik malik dabaaqah elle gaca qari fanah maraasiyot kaa baahen. Malik-qarik kaxxa afay akak culaanahiyyak culla 'yeeniih, malik elle gaca rikeek tan korsil kaa heen.

2 Aydaad 23:5

Nammayhaytoh afa keenik malik qarih dacayrit gacele. Raqqa intem Rakiibô-Culma deqsita aracal gacele. Ummat inkih Qibaadâ-Qarih daaratal mododele.

Ermiyaas 17:25

tonnal, Dawud qarkaytol tan malikwa kee ken gubal tan reedon, Yarusalaam magaalat culla bukka abelon. Malikwa kee malikwâ-gubal yan mari, faras-gaarit gacca 'teenih, Yuudâ-mara kee Yarusalaam mara wakalih haysitta hayteenih, teetil meekitetton. Yarusalaam magaala daayiman dabaaqah teetil gaca mara mawayta.

Ermiyaas 22:30

YALLI iyyam ah teeti: «A num xale xaylo, xale weeh gide. Abba heem gabal kaak mabicta. Yuudâ-baaxol Dawud qarkayto nagra samad kaak maraaqa. Tahat yabtam yoo YALLA» 'yaanam iyye.

Ermiyaas 22:4

Anu taway siinik inxicca elle axce'nnal abteenik, tonnal Dawuduk rade mari dumaak luk suge dardaarinna luk raaqeleeh, baxak baxal keenik raaqele. Ken kee ken gubal yan mara a qarih afak dumaak elle abak sugen innah, faras-gaari kee faroosat gacca 'yeenih culla bukka axcelon.