2 Malikwa 11:14 - NABUWWA KEE MALIKWA

¹⁴ Woo baaxol qaadah akah abak sugen innah, YALLIH Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Farcatak yan maray waxxaq iyya kee baanta yaagurehiyya tuble. Toh tuble waqdi Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

2 Malikwa 11:14 ပူးပေါင်းရင်းမြစ်များ

1 Malikwa 1:25

«Ta saakih ayro sadgatah awurwa kee nagay mulkuqusen rugaage kee mango illi qideeh, too sadgatah ku xayloh inkih seece. Qaskar abbah yan Yowab kee sek Abiyataarah edde seece. Too mari taway too sadgatih makum kee maqubut kaa'lih yaniih, ‹Malik Qadoona ani haay! Malik Qadoona ani haay!› axcuk yanin.

2 Malikwa 11:15

Sek-Yoyadaq, Qatalya YALLIH Qibaadah-Qarih deraafil tet qidaanam mafaxinnaay; tonna leemiik qaskar abbobti amriseh, «Ama qaskaray rooruh tanik gudeek hayya hay, tet beyaay; tet catam faxa mari yenek, ken qida» iyye.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

2 Malikwa 9:13

Oson too waqdiik, usuk elle yawqe mawqeenah bagul, sinni sara qidda heenih *baanta yoogoren. Sarrak anay fayya haak, «Yaahu malik yekke! Yaahu malik yekke!» 'yaanam iyyen.

2 Malikwa 9:23

Yooram toh yoobbe waqdi, «Acadyaw, ah gano! Ah ganok tanih tan!» iyyeh, gaari wadir eykeleelebba heeh kude.

1 Aydaad 12:40

Kilbat le kabut raqta baaxoy Issakar kee Dablon kee Naftaali kedo elle tanihiyyay Cebroonuk xeeruk raqtahiyyaak, danoona kee gaala kee baakil kee awurwal, riyen bulul kee sublâ-xayloy kafseenihiyya kee kafsen qinab-xaylo kee qinabak bicsen kamri kee caxâ xaylok bicsen *zeyti (saliid) eerra heenih tokke baahen. Tohuk kalah kaadu, laa kee illiy yasguudoonu waanahiyya baahen. Ta axxul le bica kee mattacoy ummatta bahtehiyya Dawud dardaareemih fayxih farcatah aben.

2 Aydaad 34:31

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule.