2 Malikwa 11:12 - NABUWWA KEE MALIKWA

¹² Sarrak sek-Yoyadaq, Yooqas afah yeyyeeqeeh malik-kalabta kaat heeh, malik rasu elle xiinisa xinto kutbeh elle tan warkat kaal yecee. Tohuk lakal caxâ xaylok bicsen *zeytit kaa yuskuteenih; Yooqas tonnal malik yekke. Tohuk wadir suggu 'ye mari gaba aagaruk anay fayya haak, «Ani hay malik! Ani haay!» iyyen.

2 Malikwa 11:12 ပူးပေါင်းရင်းမြစ်များ

2 Samuwel 1:10

Too waqdi rabi kaat xayim ubleeh, too waqdiik yinnikisseh rabu waam eexegeeh, kaal amma exceh kaa qideh. Amot luk suge dardaarinni-kalabta amok kaak kaleeh, kaadu carayat luk suge sookoyta kaak kalla heeh, yi amoytaw, ku fanah baahe» iyye.

2 Samuwel 12:30

Qammon mari yalla iyyeh aqbuduk suge Milkom deqsitta ceeloh amot suge dahabak bicsen kalabta bee. Too kalabta miizaanal heen waqdi, qilsah soddom kee koona kiilo akkuk ten. Woo kalabtah bagul bilqah qax-meqe xaa yeneeh; Dawud too xaa beyya heeh isi kalabtah addat hee. Tohuk kalah woo magaalak mango duyye dannabah orbisen.

2 Samuwel 16:16

Dawuduk kaxxa kataysah yen Cusaay deqsita num Absalaam yuble waqdi, anay fayya haak, «Ani hay malik. Ani haay malik» iyye.

2 Samuwel 2:4

Yuudâ-mari Cebron kaal yemeeteeh, Dawud yuskuteenih isinni malik kaa aben. Gilqad rasul ten Yaabes deqsitta magaalah mari Saawul yoogoqeh 'yaanam yoobbe waqdi,

2 Samuwel 2:7

Malikih siinik suge Saawul rabeh; yoh tu gactek, Yuudak rade mari isinni malik yoo abe. Taway siinik axceemih, agiira takkeeniih meysi cabtaanam siinil tan» inta farmo keenih ruube.

2 Samuwel 5:3

Israayilik saqoltih yan mari toh axcuk Cebroonul kaal yemeeten saaku, Dawud kee Israayil ummatak saqoltih yen mari YALLIH foocal xagana tittah culen. Sarrak kaa yuskuteeniih; usuk tohuk wadir Israayil malik yekke.

1 Malikwa 1:25

«Ta saakih ayro sadgatah awurwa kee nagay mulkuqusen rugaage kee mango illi qideeh, too sadgatah ku xayloh inkih seece. Qaskar abbah yan Yowab kee sek Abiyataarah edde seece. Too mari taway too sadgatih makum kee maqubut kaa'lih yaniih, ‹Malik Qadoona ani haay! Malik Qadoona ani haay!› axcuk yanin.

1 Malikwa 1:34

Tokkel isin sek Saaduk kee nabi Naatanak, Israayil malik yakke'gidih, kaa uskuta. Tohuk gaba kaltan waqdi, *baanta uguraay anay fayya haay, ‹Malik Suleeman ani haay! Malik Suleeman ani haay!› inxica.

1 Malikwa 1:39

Tokkel, Sek Saaduk, Yallih Nabnah-Siraqih addak mingilil baahe caxâ xaylok bicsen *zeytit (saliidit) malik yakke'gidih, Suleeman yuskute. Sarrak baanta yoogoreeniih, too waqdi tokkel suggu 'ye mari inkih anay fayya haak, «Malik Suleeman ani haay! Malik Suleeman ani haay!» iyyen.

1 Malikwa 2:44

Yi abbal bahtem taaxigeh, hawwen akak mantu. Tohuh YALLI koo digaaleleeh,

2 Malikwa 11:11

Sarrak siiben seef gabat le labha, malik dacrisaana'gidih, Yallih Qibaadah-Qarih dariifal ken hee.

2 Malikwa 11:2

Acadyâ-baxi-Yooqas dibuk raaqe. Aki mara lih kaa qide raareeni'mmay, kay annay Yahoosebqa deqsitta kaa raaqisseh rooci kaak waddeh. Is Acadyak abbâ-baxák teneeh Malik-Yacooram-baxák ten. Is Yooqas kee, inah innal kaa dacrisak sugte barra beyya hayteh, Yallih Qibaadah Qarih addat xinti-aracat ken tooqore. Toh akah abtem, kaa qide waana'gidik ten.

2 Malikwa 11:4

Malcinhaytô sanat sek-Yoyadaq malik-buxah marat dacayrih tan qaskar kee, malik buxa dacrissa qaskarak bool-abbah ten qaskarah, «YALLIH Qibaadah-Qari fan ama» 'yaanamih farmo ruube. Oson yemeeten waqdi, usuk niyat lem kaa'lih abe loonumuh titta ken geysiiseeh, YALLIH migaaqal ken xibsiiseh. Too waqdi Malik-Acadyâ-baxa-Yooqas ken yuybulleeh.

2 Malikwa 9:13

Oson too waqdiik, usuk elle yawqe mawqeenah bagul, sinni sara qidda heenih *baanta yoogoren. Sarrak anay fayya haak, «Yaahu malik yekke! Yaahu malik yekke!» 'yaanam iyyen.

2 Malikwa 9:3

Too waqdi a caxâ xaylok bicsen *zeytit amo kaak uskut. Sarrak, ‹YALLI kok iyyaamah: Israayil-malik takke'gidih koo askute› kaak inxicay, isih xayuk am; tokkel maadayina» iyye.

2 Aydaad 23:11

Sarrak sek-Yoyadaq, Yooqas afah yeyyeeqeeh malik-kalabta kaat heeh, malik rasu elle xiinisa xinto kutbeh elle tan warkat kaal yecee. Yooqas tonnal malik yekke. Sarrak sek Yoyadaq kee kay xaylo kaa tuskuteh. Tohuk wadir suggu 'ye mari anay fayya haak, «Ani hay malik! Ani haay!» iyyen.

Aster 2:17

Malik tet yuble waqdi tet yikcineeh, gersi agabuk fula tet yossokoote. Gersi agabu kee baxuuwuk inkih teetih lafte. Sarrak malik-barrat haan dardaarinni-kalabta tet amot hee. Duma barrah luk suge Wastih aftok, tet malikáh haysite.

Yasaqya 55:12

Naqoosinnak wallitak gexettoonum kaadu taaxigeenim meqe; amaanah awqetton. Qaleela kee koomaami sin foocal farcih gad abeleeh, coox kaadu farcih qililisele.

Yasaqya 8:16

Isin yi darsay, Yalli yol ruube farmo dacrisaay tet daanisa.

Yasaqya 8:20

Too waqdi keenik intaanamah, «YALLI siinik iyyem abay kay farmo ankacisa» keenik inxica. Ta qangara cina maral, maaci mamaacisa.

Daaniyel 3:9

Malikik iyyeemih, «Malikow, qumri kok waaray!

Daaniyel 6:21

Daaniyel kaal gacseemih, «Malikow, qumri kok waaray!

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 10:24

Sarrak Samuwel ummattak iyyemii, «YALLI doorem tama numuuy; kay xaqan le num ni addat mayan» keenik iyye. Sarrak ummatta inkih anay fayya haak, «Ani haay malik! Ani haay malik!» iyyen.

1 Samuwel 16:13

Samuweliiy Dawud toobokoh foocal saliidit amo kaak yuskute. Too waqdiik YALLI Dawudul isi *Roocaaniyya oobiseeh; too saakuk xabba haanam YALLIH Roocaaniyya kaa'lih ten. Tohuk lakal Samuwel Raama fan yuduure.