2 Malikwa 10:6 - NABUWWA KEE MALIKWA

⁶ Yaahu kaadu gersi warkat keenih ruube. Too warkatal iyyemii, «Isin yi mara tekkeeniih anu aba axcem aba mara tekkeenik, beera ta uddur Malik-Acab-duruyyatih-moyyaayi Yidraqel-magaala fan yol baaha» 'yaanam keenih yuktube. Malcina-taban takke Malik-Acabak rade marak Samaariyah magaala miroctih yan mari amo wagitak suge. Oson ken aynabuk sugen.

2 Malikwa 10:6 ပူးပေါင်းရင်းမြစ်များ

2 Malikwa 10:5

Tonna-leemiik malik-gasoh-abbaay magaalâ-xintoh-abbaay makaabon kee malikik-rade-marat dacayrih yen marak inkih, titta geyya heenih farmo kaah ruuben. Iyyeenimii, «Nanu ku taamat gaca mara kinninooh, atu aba axcinnaanim abnuh bical nan. Nanu malikih num mahaynak, atu taysem kot ceelinnaanim ab» 'yaanam farmoh kaah ruuben.

2 Malikwa 10:7

A warkat ken gufe waqdi, Samaariyah magaalah abbobti woo malcina-taban yakke Acabak rade mara inkih qideeniih, moyya keenik kafaq addat hayya heenih Yidraqel magaalal yan Yaahu fan ruuben.

2 Malikwa 10:9

Maaci maacise waqdi, Yaahu magaalah culmeyna fan gexeeh, wokkel suge marak iyyemii, «Malik Yooramal malisseeh kaa qiddem, yooy; wohimih sin essertam matan. Takkay immay a mara inkih qiddem iyyaay?

2 Malikwa 9:32

Too waqdi Yaahu gubaak wagga hee waqdi, anay fayya heeh, «Yi qaxa yan marak iyyi yan?» iyye. Sidoc yakke maray malik qaril abbootan lehiyya taagatak addah kaa fan wagga heen.