2 Malikwa 10:5 - NABUWWA KEE MALIKWA

⁵ Tonna-leemiik malik-gasoh-abbaay magaalâ-xintoh-abbaay makaabon kee malikik-rade-marat dacayrih yen marak inkih, titta geyya heenih farmo kaah ruuben. Iyyeenimii, «Nanu ku taamat gaca mara kinninooh, atu aba axcinnaanim abnuh bical nan. Nanu malikih num mahaynak, atu taysem kot ceelinnaanim ab» 'yaanam farmoh kaah ruuben.

2 Malikwa 10:5 ပူးပေါင်းရင်းမြစ်များ

1 Malikwa 20:32

Too akah iyyen innah, qabuudu axcat uxuyyaay fillat akoota isinnik hayya heenih, malik-Acab fan gexeeniih kaak iyyeenimii, «Ku-naqsi-Banihadad koo kallacah yaniih, ‹Ahaysa anay yoo 'xicay yoo maqidin› 'yaanam kok iyyah yan» kaak iyyen. Malik Acab, «Usuk uxih yanii? Usuk yi toobokoyta» keenik iyye.

1 Malikwa 20:4

Malik Acab tohul kaal gacsemii, «Yi-amoyta-Malik-Banihadadak, ‹Atu intam meqeeh; eelli haam inkih kuumuuy; koh aceeyyo› kaak inxica» 'yaanam kaah ruube.

2 Malikwa 10:6

Yaahu kaadu gersi warkat keenih ruube. Too warkatal iyyemii, «Isin yi mara tekkeeniih anu aba axcem aba mara tekkeenik, beera ta uddur Malik-Acab-duruyyatih-moyyaayi Yidraqel-magaala fan yol baaha» 'yaanam keenih yuktube. Malcina-taban takke Malik-Acabak rade marak Samaariyah magaala miroctih yan mari amo wagitak suge. Oson ken aynabuk sugen.

2 Malikwa 18:14

Too saaku Malik-Ciskiyyaahu Assuuriyah-malikiy Laakis magaalal yenehiyyah farmo ruube. Too farmol iyyemii, «Umam bahtem yoo kinnim innik eexegeeh; atu faxinnaanim koh aceeyyok, ahaysa ku maganak qeebik yok sol» 'yaanam kaak iyye. Malik Sanceerib tohul gacsemii, «Hay tonnal, lakqok tabna alfih kiilo takkem kee, dahabak kaadu alfih kiilo takkem yoh rub» 'yaanam kaal gacse.

Ermiyaas 27:17

Rabak cattintaanam faxxeenik, Baabelon malik fillal siinik hayu waa *madmad raabitay xiina. Magaala siinik num sinniih lac sinni abur maabina.

Yoosuwa 9:11

Too waqdi ni idoola kee ni baaxol enna 'ya mari inkih, ‹Safarah sakayi haysitay Israayil marah fanah gexaay, keenit ongoorowa› 'yaanam nek iyyen. Kaadu ‹Ken taamat gacaay qalla ken lih haysita› nek iyyen.

Yoosuwa 9:8

Too waqdi Yoosuwak iyyeenimih, «Nanu siinih taaminna'gidih yemeete mara kinnino» kaak iyyen. Too waqdi Yoosuwa, «Isin maa mara kinnitoonuuh, akak temeeteenim ankeey?» keenik iyye.