2 Malikwa 10:31 - NABUWWA KEE MALIKWA

³¹ Tonna'mmay Yaahuh tu gactek, YALLAY Israayil doore Dageltah yanihiyyah xinto baguuk moggolinnaay; Malik-Yarobqam abe uma-taamay Israayil ummat dambit akah asak sugtehiyya kataatak suge.

2 Malikwa 10:31 ပူးပေါင်းရင်းမြစ်များ

1 Malikwa 14:16

YALLI Israayil ummatat darre cabele. Toh macaay intek, Yarobqam edde ase dambi kee, Israayil mara edde asise dambih sabbata» teetik iyye.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

2 Malikwa 10:29

Takkay immay usuk isih, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak suge. Malik-Yarobqam dahabak bicsen daheelah ceeloy Beetal kee Daan deqsita aracal bicsehiyya yuqbudeeh, Israayil ummatta inkih too dambit asise. Yaahu kaadu tohim yuqbude.

2 Malikwa 17:22

Oson Yarobqam-gita kataateeniih; usuk rabek lakal, uxih usuk abba hee dambi aben.

2 Malikwa 3:3

Tohuh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak sugeeh; woo dambi le taamah abitto macabinna.

2 Aydaad 6:16

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

Nacmiya 10:29

nek saqoltih yan mara lih gacca inneh, ‹Yallih xintoy isi naqasuh yan Muusal ruubehiyya intam cinna haynek, digaalah abaaro nee tabbaxay› 'yaanamal xiibinnah nan. YALLAY ni Dageltah yanihiyya nee akah amrisem oggolenno. Kay amri kee usuk nek aba iyyem abenno 'yaanamal titta geynah nan.

Yacedkel 36:27

Inni Roocaaniyya siinit heeyyo. Siinil ecee amri kee madqa duudusa mara sin abeyyo.