2 Malikwa 10:23 - NABUWWA KEE MALIKWA

²³ Sarrak Yaahu, Rekab-baxa-Yonadab is lih hayya heeh Baqal elle yaqbuden qari cule. Too waqdi Yaahu wokkel suge marak iyyemii, «Akke Baqal-yaqbude-marak kalih mari yemeetem kee amaate weem wagita. YALLA yaqbude mari yemeetek, wagita» iyye.

2 Malikwa 10:23 ပူးပေါင်းရင်းမြစ်များ

2 Samuwel 4:2

Saawuluk raaqe baxi, kay gaadile warar abte waqdi, naqboytiitik midir buubte qaskar-abbobtik nammay luk yen. Ta qaskar abbobtih nammay migaaqah Baqna kee Rekab deqsitak yenen. Namma toobokoytak yeneenih; akah yoobokeenim, Benyam kedok ten. Ken abba Rimmon deqsita numuk teneeh, Beerot deqsitta magaalal dabqah yen. Beerot, Benyam kedo dabaaqah elle sugte magaalak ten.

2 Malikwa 10:22

Sarrakaay Yaahu, seeka-hayta-sartanak amo wagitak yen numuk iyyemii, «Baqal qibaadah culsah xagarat haan xer-kameswa baahay, Baqal yaqbude marah keef» iyye.

2 Malikwa 10:24

Tohuk lakal Baqalah cado akak carrisan sadgat kee mattaco abaana'gidih addah culen. Yaahu woo qibaada elle aban qarik afal bacra-tabanih num heeh cabeh yen. Woo marak iyyeh yenemii, «Ta marak num macabinay inkih ken qidaay; keenik inki num caba num yenek, isi rooci edde aceele» keenik iyye.

Ermiyaas 35:6

Too mari too waqdi yok iyyeemih, «Aleeyyah! Nanu qinabak bicsen kamri yaaqube mara hinnino. Ni kaxxa abbay nanu akak radneeh migaaqah Rekáb-Yonadab deqsitak yenehiyya nee kee nek radda 'ye marak, ‹Qinabak bicsen kamri maaqabina› 'yaanam farrintoh iyyeh cabe'kkal, manaaquba.