2 Malikwa 10:15 - NABUWWA KEE MALIKWA

^15-16 Yaahu kaadu safarah gexot yan waqdi, Rekab-baxa-Yonadab gital gee. Too waqdi Yaahu salaamatta kaah abba heeh iyyemii, «Anu ko'lih akah ani'nnah, yo'lih tanii?» kaak iyye. Yonadab, «Yeey, ko'lih an» iyye. Yaahu too waqdi, «Hay tonnal gaba yol ucuy» kaak iyye. Gaba kaal yecee waqdi kaak iyyemii, «Anu YALLIH taamat baguuk elle ani inna, isih table'gidih am» kaak iyye. Yaahu too waqdi isi faras-gaarit kaa korse. Oson nammayak Samaariyah magaala gexen.

2 Malikwa 10:15 ပူးပေါင်းရင်းမြစ်များ

1 Malikwa 20:33

Banihadad-qaskarih-abbobti meqe qangara Acab afak raddam wagitak sugeeniih, usuk toh inxicca 'ye waqdi, ta qangara kaak yossokooteeniih, «Nummah ku toobokoyta kinnih» iyyen. Sarrak Acab, «Gexay yol kaa baahay» keenik iyye. Banihadad yemeete waqdi, is lih faras gaaril kaa hee.

2 Malikwa 10:13

duma Yuudâ-malikih suge Malik-Acadyah ramad le mari kaat garaye. Too marak, «Maa mara kinnitoonuuh?» iyye. Osonuuy, «Nanu Acadyah ramad le mara kinnino. Away Yidraqel magaala fan genxa. Akah genxam, Idebal xaylo kee raaqe tet buxah marak salaamatta inna'gidih genxah nan» iyyen.

2 Malikwa 10:14

Yaahu isi marak, «Nuwwuk ken beya» iyye. Kay mari too waqdi ken yibbixeeh, wokkek xaqul suge qeelih garil ken qide. Oson mangah morootom kee nammay akkuk yeneeniih; keenik num macabinnoonuy inkih qiden.

2 Malikwa 9:21

Too waqdi malik Yooram, «Faras-gaari yoh baaha» iyye. Gaari kaah baaheenih; too waqdi kaa kee Malik Acadyak mariiy isi gaarit keenik koreh, Yaahut matraana'gidih gexen. Sarrak Nabot buqreh baaxo gufen waqdi, kaat garayen.

1 Aydaad 2:55

Wohuk kalah kaadu, Yaabex deqsita aracal gace maray Tiqra kee Simqat kee Sukat deqsita gulubuk inkih kaxxa abbah tenem, Salma deqsita numuk ten. Woo mari inkih kutbe-abeenittek teneeh; Cammat deqsita numuk rade maray Keena akak iyyeenihiyyak yenen. Cammat, Rekab akak iyyan marih kaxxa-abbak ten.

Qedra 10:19

Ta mari marin marah yooboke agabuy ginnaaqot abbaxuk sugeeni cabeloonumih xagana culen. Edde asen dambih kaqalso takke'gidih, kulli num keenik maruw sadgatah yusguude.

Nacmiya 3:14

Rekáb-Malkiya deqsita numuy Beet-Cakkarem deqsita aracih abbah yenehiyya Guddaafâ-Qidim deqsitta afa bicse. Sarrak too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Ermiyaas 35:2

«Rekab deqsita gulubuh gacsa mara fan gexaay, YALLIH Qibaadah-Qari fan ken bah. Tokkel Qibaadâ-Qarih golittek golik teena ken culussa haay, qinabak bicsen kamri ken efeq» kaak iyye.

Yacedkel 17:18

Abe xiiba kee Yalla-kee-xaganay heehiyya makeemih sabbatah, rike asillimi kaa mahaanay kaa qidelon» iyye.