2 Malikwa 1:3 - NABUWWA KEE MALIKWA

³ Takkay immay YALLIH malaykatti Tisbâ-rasih nabih yen Eliyyasal amri oobiseeh, kaak iyyeemih, «Gexay Malik-Acadya farmoh ruube marat mataray, ‹Ekron-magaalal yaqbuden Baqal-Dabub fan macah gexxaanaah? Israayil-rasul Yalli mayanam maay takkalee?› keenik inxicaay,

2 Malikwa 1:3 ပူးပေါင်းရင်းမြစ်များ

1 Malikwa 11:33

Toh kaal akah baahu waam, Suleeman yoo cinna heeh gersi baaxoh mari yaqbude duyye yaqbudem baaheeh; yoo yaqbudem cabba hee. Qastarot deqsittaamay Saydâ marih say yalla axcuk too mari yi aftok yaqbudehiyya kee, Mooyab mari yaqbude Kamos deqsittaamay Mooyab mari kaadu yallah lehiyya kee, Milkom akak iyyaanamay Qammon mari yallah lehiyya yaqbudeemit gace. Kay abba Dawud yi gita katayak yeneeh, anu oobise xinto kee amri oggolak sugeh immay, usuk oggolaanam cineh. Suleeman yi gita cabba heeh ceele waytut ase.

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

1 Malikwa 18:1

Qabar radeemih sidiica sanat tikka 'yek lakal, ayrok teena YALLI Eliyyasak annah iyye. «Gexay Malik Acabah umbulluy; anu rob ruubeyyok» iyye.

1 Malikwa 18:36

Sadgat edde aban uddur gufe waqdi, nabi Eliyyas Yallih-sadgat-elle-abaana'gidih-bicsen-aracih-garih amma 'yeeh iyyemii, «YALLAW, Abraahim kee Iscaakaay Yaqkuub doore Dageltaw, atu Israayilil Yalla kinnitooh, anu kaadu ku naqasu kinniyom ta saaku ken iysixxig. A saaku anu abah anim atu yok aba intem kinnim ken iysixxig.

1 Malikwa 19:5

Sarrak caxâ-gubal deerih gacca 'yeh xin kaa bee. Too waqdi garciik, malaykatti gabah kaa xagga heeh, «Ugutay maaqo ukum» kaak iyye.

1 Malikwa 19:7

YALLIH malaykatti too waqdi yuduureeh, nammeyhaak kaa ugseeh kaak iyyemii, «Ugutaay safar kol yaqilseemik maaqo akum» kaak iyye.

1 Malikwa 21:17

Sarrak YALLI nabi-Eliyyasak annah iyye.

2 Malikwa 1:2

Israayil-malikih yen Malik-Acadya isi qarih amol yen qarik taagat boohaahik radeeh, kaxxam biyaakite. Too waqdi Filistiin-magaalay migaaqah Ekron deqsittahiyya Baqal-Dabub-deqsittaamay yalla 'yeenih yaqbudeenihiyyal woo biyaakak uram kee ure wayu waam esseraana'gidih, farmoh sinam ruube.

2 Malikwa 1:6

Oson iyyeenimii, «Num neh garayeeh, woo num, ‹Kaal uduuray, YALLI, «Ekron-magaalal yaqbuden Baqal-Dabub fayu esseraana'gidih, farmô-mara wokke macah rubtaa? Israayilil Yalli mayanam takkalee? Ama biyaakak murtay edde rabetto» kok iyyah yan, kaak inxica› nek iyye» iyyen.

2 Malikwa 1:8

Osonuuy, «Saqi arabak bicsen saro xagaral luk yeneeh; arabak bicsen qarumut axawah yen» kaak iyyen. Malik too waqdi, «Wohuuy Tisbâ-rasih nabih yen Eliyyasak tanih tan» iyye.

2 Malikwa 5:15

Too waqdi isi mara is lih hayya heeh Eliisaq fan gexeeh kaak iyyemii, «Tawayaay Israayil ummat taqbude Yallak sah Yalli mayanam eexegeh. Tonna'mmay Yallih numow, a mattaco yok oggol» iyye.

2 Malikwa 5:8

Nabi Eliisaq ah yoobbe waqdi, malikih farmo ruubeeh iyyemii, «Isi sara maca qanxisseeh? Ama num yol rub. Israayilil nabi yanim kaa aybulleeyyok» iyye.

Yasaqya 8:19

Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.

Yoonas 2:8

Tuxxiq sinniimil yaamine mari YALLAY cato yacee caban.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.