2 Aydaad 8:16 - NABUWWA KEE MALIKWA

¹⁶ Tonnah abak Suleeman too taamak gaba kaleh. YALLIH Qibaadah-Qaril rakiibo hayyaay xissaay, gaba akak kalla haanam fan faxximma 'ta taama akah abak, xisne gaba akak kalla heeh.

2 Aydaad 8:16 ပူးပေါင်းရင်းမြစ်များ

1 Malikwa 5:18

Suleeman maraa kee Curam maray gabâ-naggaarinna luk yenehiyya kee, Biblos-magaalah mari, Qibaadâ-Qari edde xisoonu waan cooxih missoysiyyá kee xeetih-oriyyih bicsat gacen.

1 Malikwa 6:37

YALLA elle yaqbuden Qarih rakiibo, Suleeman malik edde yekke fereyhayto sanatak nammeyhaytoh alsak Diw deqsitahiyyat aben.

1 Malikwa 6:38

Suleeman malik yekkeemih taban kee inikhaytô-sanatak bacarhaytoh alsak Buul deqsitahiyyat, woo-qarih-xisnek gaba kaleenih. Hununuh kaa lowwa heen xisoh kaa xisen. A-qarih-xisne Suleemanat malcina sanatih gide faxxe.

1 Malikwa 6:7

Xisne aben waqdi maataka kee godma kee, tonnah kaadu, birtak bicsen mansafitteh xongolo akah antaabbe wayta innah, missat orra heenih baahen xeetik xisen.

2 Aydaad 8:15

Duma kay abba, seeka kee Leewih yooboke mara wagitta qaadak duyye elle haan golitte kee, wohuk kalah taniimiy usuk edde yaabeh cabe inkih Suleeman yugdubeh.

2 Aydaad 8:17

Tohuk gaba kale waqdi Suleeman, Qexyon-Gabar kee Eelat deqsitta namma magaalay booruh tenehiyya fanah gexen. Too namma boor elle yenemii, Agba deqsitta caraatak teneeh; Agbâ-caraata elle tenem, Edom rasuk ten.