2 Aydaad 7:3 - NABUWWA KEE MALIKWA

³ Israayil ummatay wokkel sugtehiyya qaraanak gira oobah tubleeh, YALLIH nabna yaybulle noori qari duudusem yublen waqdi, baaxok bagul Yallih qibaadah gommoh radeeniih, sarrak kaa fayliseeniih, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk kaa saarisen.

2 Aydaad 7:3 ပူးပေါင်းရင်းမြစ်များ

1 Malikwa 18:39

Ummatta ah tuble waqdi baaxol gommoh raddeeh, «YALLIIY Yalla kinnih! Yalli dibuk kaa» iyyen.

1 Aydaad 16:34

YALLI maqaane lek, candu kaah gacisa! YALLIH-kacni mayambaxak, tohul candu kaah gacisa.

1 Aydaad 16:41

Oson toh aban waqdi, Heeman kee Yedutun deqsitta namma num kee ken lih yeexegen maray YALLA saarisaana'gidih dooreenihiyya tokkel too saare abak ten. YALLIH kacanuy waarahiyya faylisak yenen.

1 Aydaad 29:20

Too yaabak gaba kale waqdi ummatak, «YALLAY sin Dagelta kinni faylisa» iyye. Too waqdi suggu 'ye mari, YALLAY oson akak raden ken kaxxa abbobti doorehiyya fayliseenih. Qununna 'yeenih, baaxol gommoh radeenih, YALLA yessekexxeeniih; isinni malik kaadu yessekexxen.

2 Aydaad 20:18

Toh yoobbe waqdi, Yacoosafat Yallih assakaxxah qansa kaak baaxo xagtam fanah qununna 'yeeh; gaabooweh suge mari kaadu usuk abba heem aben. Tokkel suggu 'ye mari gommoh radeeh YALLA yuqbude.

2 Aydaad 20:21

Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

2 Aydaad 29:28

Toh abak sugen waqdi, wokkel suggu 'ye mari inkih baaxok bagul Yallih qibaadah gommoh raden. Cararisan sadgat cararra 'yam fan, YALLIH saare aba mari saare abak sugeeh; baanta kee gersi duyye yaagure mari tonnah, too duyye aagaruk suge.

2 Aydaad 29:29

Too waqdi Malik Ciskiyyaahu kee raqqa 'ye mari inkih gulubuh gacca 'yeh YALLA yuqbuden.

2 Aydaad 29:30

Malik kee baaxoh abbobti, Leewî marak, «Malik Dawud kee nabi Asaf tuktube YALLIH saare aba» iyyen. Too mari inkih gulubuh gacca 'yeh ruffa axcuk too saare abeeniih, YALLA yuqbuden.

2 Aydaad 5:13

Yakkeenimiik inki adda akkaquk YALLA saarisan waqdi, *baanta kee giyaagib kee, wohuk kalah tan duyyey saareh yaagureenihiyya luk aagaruk aben. YALLIH saareh iyyeenim, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk Yalla faylisen. Too waqdi, garciik qamburre YALLIH Qibaadah-Qarik adda inkih bulteh.

Qedra 3:11

YALLA faylisaah candu kaah gacisa mara kee, yakkuqe mara yekken. Faylah iyyeenimih, YALLI maqaane le Goyta; kay kacani mayambaxa. YALLI Israayilih le kacni daayiman yan; mayambaxa» iyyen. Too saaku YALLIH Qibaadah-Qarih-xisneh-rakiibo heenih yeneeniih; tohih sabbatah YALLA faylisen. Ken ankacisak yen mari kaadu anay fayya haak qililise.

Yasaqya 63:7

YALLIH kacanuy amurruqe waat walalu waa. YALLI neh abeemiy fayla kaa akah taguude warseyyo. Israayil ummattah kaxxa maqaane abe. Toh akah abem, isi racmatta kee amurruqe sinni kacanih sabbata.

Ermiyaas 33:11

sahda qililo elle abah aabbetton. Digibih sinam elle digirah abletton. Anu keenih abe maqaaneh candu gacsaana'gidih, yi Qibaadah-Qari sadgat baaha mara abletton. Sadgat baahan waqdi, yi Qibaadah-Qarih addal, ‹Ummatey, YALLAY Nabaamak Nabahiyya faylisa! YALLI maqaane le Dageltak, candu kaah gacisa! YALLIH kacni mayambaxak, tohul candu kaah gacisa› 'yaanam axcuk, candu yoh gacselon. Ken baaxo fanah ken gacissaay gaddaloola ken abba heemih candu yoh gacselon. Tahat yabtam yoo YALLA» 'yaanam iyye.