2 Aydaad 6:5 - NABUWWA KEE MALIKWA

⁵ ‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisan magaala dooreh masuginniyo. Yi mara miraacisu waa num duma dooreh masuginniyo.

2 Aydaad 6:5 ပူးပေါင်းရင်းမြစ်များ

1 Malikwa 8:16

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisu waan magaala dooreh masuginniyo'mmay, yi ummatta xiinissa'gidih, Dawudow, koo dooreh› 'yaanam kaak iyyeh suge» iyye.

2 Malikwa 21:4

YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.

1 Aydaad 17:5

Israayil mara Masrik eyyeqqa heemiiy a saaku fanah Qibaadâ-Qarit magaciyyo. Kulli way siraq addat sugeeh, aracaak arac too siraq addat gexak suge.

2 Aydaad 12:13

Racabqam Yarusalaamal malikih elle raaqeeh, qandeh lafitak lafte. Naharak malik yekke saaku qumrik morootom kee inki sanatat yeneeh, taban kee malcina sanat Yarusalaam magaalal malikih suge. Yarusalaam magaala, YALLI inkih yan Israayil rasuk kay qibaada elle abaana'gidih doore magaalak ten. Racabqam ina migaaqah Naqma deqsitak teneeh; Qammon deqsita marah aabakuk ten.

2 Aydaad 20:8

Akkel dabaaqah gaceeniih, koo elle yaqbudeeni'gidih ku Qibaadah-Qari xisen.

2 Aydaad 20:9

Xisen waqdi iyyeenimihii, ‹Digaalah carbi net yekkek, dalkay sahdat taban-tabtahiyya nee tibbixek, hinnay kaadu, qulul nel rade yekkekii, a Qibaadah-Qariy koo elle yaqbudeenihiyyah foocal solla inneh dooqa abenno. Gadaama nee tabbixe saaku koo kallacitnek, atu woo kallaci neh oggolettooh, nee wadetto› 'yaanam iyyen.

2 Aydaad 30:8

Oson akah sugen innal, aabbe cina mara makkinay; YALLIH amri oggola. Away Yarusalaamal yan Qibaadah-Qariy YALLI kulli way taahir abehiyyal ama. YALLIH bagcarrak cattintaana'gidih, kaay sin Dagelta kinnihiyya uqbuda.

2 Aydaad 33:4

YALLIH Qibaadah-Qarih addal, diini-maleela taqbudeemih sadgat elle aban arooca bicse. Woo sadgat arooca elle bicsem, YALLI duma, «Yarusalaamal kulli way yi qibaada elle takke'gidih doore araca» akak iyye aracak ten.

2 Aydaad 33:7

Yallih Qibaadah-Qarih addal gabak bicsen ceeloy yaqbudeenihiyya hee. Woo ceelo elle heem, Yalli Malik-Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addak doore araca» akak iyye aracak ten.

2 Aydaad 6:20

A qarik bar kee loqo amo akak wagit. A qaril «Yoo aqbudeloonu» 'yaanam inteh teneeh; tonna kinnuk, anu a qari fan ufkunna exceh abah an dooqa yok raabit.

2 Aydaad 6:4

Tohuk lakal iyyeemih, «YALLAY Israayil doore Dagelta kinnihiyya fayla taafay. YALLI isi gabat yi abbah abe xagna duuduse. Yalli dumah yan saaku yi abbak iyyeemih,

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

Qedra 7:16

Tohuk kalah kaadu, Baabelon rasuk gaabosseh sugte dahab kee lakqok tu cabe'kal gabat beyay; toh lih kaadu, Israayil ummatta kee seeka ken Dagelta elle yaqbuden qariy Yarusalaamal yanihiyyah isinni fayxiik ruuben acwa gabat bey.

Daaniyel 9:19

Goytaw, innam nek oobbey! Goytaw, qafu neh ab; nee fan haysit; tibba nek maxcin. Yi Dageltaw, atu Yalla kinnitom kulli num yaaxige'gidih, a dooqa xayuk ugdub. A magaala kee a mari inkih kuumu» axcuk dooqa abe.

Zakariyya 3:2

Too waqdi YALLI Seetanak iyyeemih, «Seetanow, YALLI koo yaynaaqalay! YALLAY Yarusalaam doorehiyya koo yaynaaqalay! A num girah addak handifen bocoytih gide. Kaxxa gadaamah addak handifeenih yeyyeeqen numih gide» kaak iyye.

1 Samuwel 10:24

Sarrak Samuwel ummattak iyyemii, «YALLI doorem tama numuuy; kay xaqan le num ni addat mayan» keenik iyye. Sarrak ummatta inkih anay fayya haak, «Ani haay malik! Ani haay malik!» iyyen.

1 Samuwel 15:23

Kay amri cinaanam baab-abittol yaamineenimih gide dambik le. Kaxxa-mariinoh, YALLA cabba heenih xeet kee cooxuk bicsen duyyeeya yaqbudeenimih gide dambik le. Tonnal atu YALLA cinteeh, YALLI kaadu Israayil ummatih amoytiinu koh cineh» kaak iyye.