2 Aydaad 6:42 - NABUWWA KEE MALIKWA

⁴² Dageltah yan YALLAW, isih dooritte malik macinin. Dawuduy ku naqasuh yenehiyyah luk sugte kacanuy amurruqe sinnihiyya kulli way kassita» 'yaanam axcuk dooqa abe.

2 Aydaad 6:42 ပူးပေါင်းရင်းမြစ်များ

1 Malikwa 1:34

Tokkel isin sek Saaduk kee nabi Naatanak, Israayil malik yakke'gidih, kaa uskuta. Tohuk gaba kaltan waqdi, *baanta uguraay anay fayya haay, ‹Malik Suleeman ani haay! Malik Suleeman ani haay!› inxica.

1 Malikwa 2:16

Toh too tiyaay; awayah tu gactek, koo esseram faxam liyo'mmay, ku maganak yok macinin» teetik iyye. Batsabaq, «Yaabit maca lek?» kaak inte.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 61:1

Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.