2 Aydaad 6:33 - NABUWWA KEE MALIKWA

³³ koo akah kallaceenim keenih ab. Qaraanay elle tantohiyyak ken dooqa raabitaay, kot faxak akah yemeeteenim keenih duudus. Tonnal, Israayil ummattak kaxxih, addunyal enna 'ta ummatta koo aaxigeleeh, ku amri duudusele. Toh lih kaadu a qariy anu xisehiyya koo elle yaqbuden qari kinnim aaxigelon.

2 Aydaad 6:33 ပူးပေါင်းရင်းမြစ်များ

1 Malikwa 8:16

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisu waan magaala dooreh masuginniyo'mmay, yi ummatta xiinissa'gidih, Dawudow, koo dooreh› 'yaanam kaak iyyeh suge» iyye.

2 Malikwa 19:19

Tonna'mmay ta saaku, YALLAW, ni Dageltaw, ta numih gabat rade nee kal. Ta numih gabak nee teyyeeqek, YALLAW, kok sa Yalli ane waam, baadal tan doolatwa inkih aaxigele» 'yaanam dooqah iyye.

2 Aydaad 6:34

«Ku mari, atu ken amrissa waqdi, naqboytiitih isik yan marat qeebi abaana'gidih gaadan waqdi, faxe ikkeliiy yanoonay, a magaalay isih doorittehiyya kee, ta Qariy ku qibaadah xisehiyya fan ufkunna 'yeenih, kooy YALLAH yanihiyya kallacan waqdi,

2 Aydaad 7:14

yi maray yi migaaqal yaaxigeenihiyya yoh rammitak yoo kallaceeniih, abak sugen umaane cabba heenih toobiten ken tekkek, tonnal aban dooqa, elle an qaraanak keenik aabbeyyooh, abeenimik qafu keenih abeyyo. Ken baaxol suggu 'ye niqmat wadir keenih gacseyyo.

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 49:6

Tonnal annah yok iyyamaa; «Yi naqasow, Israayilik baatik raaqe marak inkih, luk sugen nabna gacsaanam, ku gabat absiise liyo. Wohuk kalah tayse taamay muxxo leeh giffa lehiyya ku gabat absiise liyo. Baadal inkih tan ummatah ifu kee noori koo abeyyo; Wadoot kee catotta akketto. Toh ku gabat absiiseyyo» yoo doore Dagelti yok iyyah yan.

Ermiyaas 10:7

Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.