2 Aydaad 6:21 - NABUWWA KEE MALIKWA

²¹ Yoo kee ku maray Israayilih yoobokehiyya ta Qibaadah-Qari fan ufkunna inneh abna dooqa nek raabit. Qaraanay ku dabqih yanihiyyak ni kallaci oobbeyaay abne umaanek qafu neh ab.

2 Aydaad 6:21 ပူးပေါင်းရင်းမြစ်များ

2 Aydaad 30:27

Leewî-mara kee seeka a qiidih yemeete marat barkat gaca'gidih, Yalla kallacen. Too dooqa Yalli dabqih elle yan qaraanaak, keenik yoobbeehiiy keenik oggoleh.

2 Aydaad 6:22

«Sahdaytuk qellat bahte 'yeenih, kaa xibsisaana'gidih a Qibaadah-Qari fan kaa baahen ken tekkek, too num ‹Anuy baahem mayyu› 'yaanam axcuk Qibaadâ-Qaril yan sadgat elle aban mansafih foocal xiibite kaa tekkek,

2 Aydaad 6:39

tonnal, YALLAW, too dooqa keenik oggol. Qaraanay ku dabaaqah yanihiyyaak dooqa keenik oobbeyaay keenih racmataay, ku mari abba hee dambi keenih cab.

Yasaqya 18:4

Macaay inteenik, YALLI yok iyyaamah, «Dabqih elle an aracal gacca exceh, dahan yan barih saldah innah tibbat ken wagta; laqo takke waqdi tan ayroh innah, tibbat ken wagta» iyyah yan.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Daaniyel 9:19

Goytaw, innam nek oobbey! Goytaw, qafu neh ab; nee fan haysit; tibba nek maxcin. Yi Dageltaw, atu Yalla kinnitom kulli num yaaxige'gidih, a dooqa xayuk ugdub. A magaala kee a mari inkih kuumu» axcuk dooqa abe.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.