2 Aydaad 4:1 - NABUWWA KEE MALIKWA

¹ Tohuk kalah kaadu nacaasak sadgat-elle-aban-mansaf bicseh yen. Too mansaf xexxaarah labaatanni cusul akkuk yen. Baguh kaadu labaatanni cusul akkuk yeneeh, fayyah kaadu tabna cusul akkuk yen.

2 Aydaad 4:1 ပူးပေါင်းရင်းမြစ်များ

1 Malikwa 8:22

Suleeman toh inxicca 'yeh, gaabowwa 'ye mari kaa elle yable ikkel, sadgatah qidan saqa elle cararisan mansaf gariik solla 'yeh, dooqah namma gaba fayya hee.

1 Malikwa 8:64

Too ayroh addat Qibaadâ-Qarih daaratih addal, hununuh Qibaadâ-Qarih foocat raqta fanti exxa Yallih taamah taahirroyseh. Tokkel cado akak inkih cararisu waa saq yusguudeh, sadgatah daro baahe. Kaadu amaanah xiinaanamih astah aban sadgatak xayta cararise. Too sadgat woo aracal akah abem, sadgatah qidan saq elle yasguudeeni'gidih, nacaasak bicsen mansaf a axxul le sadgat bagul akak abaanah gide nabnah akkuk mananna.

1 Malikwa 9:25

YALLAH sadgat elle abaana'gidih bicse aracal, Suleeman, sanatal sidiica adda YALLIH migaaqal cado akak carrisan saqih sadgat kee, amaanah xiinaanamih astah aban sadgat elle abak yen. Tonnah kaadu, suruy meqe qerto too aracal qeerisak yen. Yallih Qibaadah-Qaril aban taama tonnal abe.

2 Aydaad 1:5

Takkay immay nacaasak bicsen mansafay Yallih sadgat elle abaanahiyya Gibqon deqsita aracal Yallih Nabnah-Siraqih foocal sooliseenih yenen. Too mansaf bicissem, Baxalal deqsita numuk ten. Baxalal, Uuri akak iyyan numuk baxak teneeh, Cuur akak iyyan numuk baxi baxak ten. Suleeman kee kaa'lih temeete Israayil ummatta Yalla elle taqbudem too aracak ten.

2 Aydaad 15:8

Aasa a nabi edde yaabe yab yoobbe waqdi, niya kaat gacteeh; tonna-leemiik Efrayim rasuk qaleela le aracal tan magaalooliy qeebit yibbixe kee, Yuuda kee Benyam rasul sugga 'te duyyeeyay gabak bicissa heenih aqbuduk sugeenihiyya wonnah baaxot qide. Sarrak YALLIH Qibaadah-Qarih daaratal suge mansafay YALLIH sadgatah saqa elle asguuduk sugeenihiyya yuqusbuuse.

2 Aydaad 29:18

Leewî mari Malik Ciskiyyaahuk iyyemii, «Inkih yan YALLIH Qibaadah-Qari taahirrosne. Sadgat elle aban arac kee edde aban duyye kaadu taahirrosneh. Tonnah kaadu, taahirroysen-gaqambo elle haan miiz kee elle xayyoosan duyye taahirrosne.

2 Aydaad 7:7

Suleeman Qibaadâ-Qarih daaratih addal, hununuh Qibaadâ-Qarih foocat raqta fanti exxa Yallih taamah taahirroyseh. Tokkel cado akak inkih cararisu waa saq yusguudeh, sadgatah daro baahe. Kaadu amaanah xiinaanamih astah aban sadgatak xayta cararise. Too sadgat woo aracal akah abem, sadgatah qidan saq elle yasguudeeni'gidih, nacaasak bicsen mansaf a axxul le sadgat bagul akak abaanah gide nabnah akkuk mananna.

2 Aydaad 8:12

Suleeman YALLAH sadgat elle aban mansafay Qibaadâ-Qarik foocal bicseh yenehiyyak bagul, cado-akak-carrisan-sadgoota YALLAH abak yen.