2 Aydaad 36:5 - NABUWWA KEE MALIKWA

⁵ Yahoyaakim, Yuudâ-malik yekke saaku qumrik labaatanna kee koona karmat yen. Sarrak Yarusalaam magaalal taban kee inki sanat malikih suge. YALLAY kay Dagelta kinnihiyyal dambi lem baahak suge.

2 Aydaad 36:5 ပူးပေါင်းရင်းမြစ်များ

Ermiyaas 1:3

kaadu Yoosiyaahu baxi Yahoyaakim malik edde yekke saakuk xabba haanamaay, Yoosiyaahû-Xidkiya malik edde yekke saakuk taban kee inikhaytoh sanat tikka 'yam fanah, YALLI mango adda isi qangara kaal oobisak suge. Too sanatak konoyhaytoh alsat Yarusalaam-magaalal suggu 'ye mara seewah marin baaxo fan been.

Ermiyaas 26:1

Ermiyaas iyyemii, Yoosiyaahû-Yahoyaakim Yuudâ-malik edde yekke sanatat xayi ayro,

Ermiyaas 35:1

Yoosiyaahû-Yahoyaakim Yuudâ-malikih yen dabaanal, YALLI Ermiyaasal oobise qangara ah teeti. YALLI kaak iyyemii,

Ermiyaas 36:1

Yoosiyaahû-Yahoyaakim Yuudâ-malik edde yekke fereyhaytô sanatat, Ermiyaasal YALLIH qangara obteeh; kaak iyyemii,

Ermiyaas 45:1

Yoosiyaahû-Yahoyaakim Yuudâ-malik edde yekke fereyhaytô sanatat, Neeriyyâ-Baaruk, nabi Ermiyaas kaah warissa hee yab yuktube. Too warkat yuktubek sa, Ermiyaas kaak iyyeemih, «YALLAY Israayil doore Dagelta kinnihiyya kok iyyaamah,

Daaniyel 1:1

Yahoyaakim Yuudâ-malik yekkeemih sidochaytô-sanat yekke saaku, Malik Nabkadnessar deqsita numuy Baabelon malikih yenehiyya, Yarusalaam magaalat qeebi abeeh marot tet hee.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.