2 Aydaad 36:22 - NABUWWA KEE MALIKWA

²² Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruube. Kaadu, warkatal too farmo yuktubeh ruube. Toh abaamih fayxi kaat haytem, YALLA.

2 Aydaad 36:22 ပူးပေါင်းရင်းမြစ်များ

1 Malikwa 11:14

YALLI, Hadad deqsita numuy Edom dardaarah mare luk yenehiyya Suleemanak naqboyta abe.

1 Malikwa 11:23

Yalli kaadu Elyadaq baxa Radon, Suleemanak naqboyta abe. Radon lih taamitak yen malikiy Hadad-Qeder deqsitahiyyak kudeh gexe. Hadad-Qeder Xooba deqsita rasih malikik ten.

1 Aydaad 5:26

Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

2 Aydaad 21:16

YALLI, Filistiin mara kee Qarab marak tu takkemiy Kuus mari dabqah elle yan ikkeh xaqul tenehiyya, Yahooram-marat qeebi akah aban innah ken uguuguse.

2 Aydaad 24:9

Sarrak, Yarusalaam magaala kee inkih yan Yuudah rasu fan farmo ruube. Iyyemii, «Yallih naqasuh yen Muusa, Israayil mari bacarih tan baaxol yen saaku, Yallih Nabnah-Siraqih catot assa'gidih ummatak salaqe lakqo, a saaku salaqqa haay ruuba» 'yaanam farmoh ruube.

2 Aydaad 30:5

Tonna-leemiik inkih tan Israayil ummattay kilbat le kabuk Daan deqsita rasul taniiy gabbi-qaxak kaadu Bersabaq deqsitta magaalal tanihiyyak num raaqe'kal, Muusal obte xinto elle inta innal, woo qiidih asaana'gidih, duma akkuk amaatuk sugeenimik manguk akah yamaaten innah, farmo keenih ruuben.

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

2 Aydaad 36:23

Too warkat axcuk teneemih, «A warkatal yan amri taceem, yooy Kooris migaq leeh Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee. Tonna'mmay ta saaku YALLIH maraw, tokke gexaay; YALLI muquk sin beyay» 'yaanam elle ten. Taham akkelem kaadu YALLI dumaak nabi Ermiyaas afat warseh suge.

Qedra 1:5

Tohuk lakal Yuuda kee Benyam kedoh abbobtiiy, seekaay, Leewih yooboke mara kee, tonnah kaadu, Yalli fayxi edde hee mari inkih, YALLIH Qibaadah-Qariy duma yiddigilleh sugehiyya xisaana'gidih, gexoh bical gacen.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Yasaqya 45:13

Kooris ugussem yooy; akah ugsem, gital tanim aba'gidi. Innih faxam kay gabat absiisa'gidih kaa ugse. Usuk edde gexxa 'ya gita missoyseyyo; yi maray seewah beenihiyya usuk gacsele. Yarusalaamay yi magaala kinnihiyya nammay haak xisele. Tah aba'gidih, tu kaah maacinniyooy; ah aba iyyeh guqul kaah yecee mari mayan. Tahat yabtam yoo YALLAY Nabaamak Nabahiyya» 'yaanam iyyah yan.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 25:14

A saaku oson yibbixen baaxooxah mara naqoosah loonu'mmay, oson isinnih, marin naqoosa edde yakkoonu waan ayro tanih. Marin naqoosa ken abeyyo. Oson sinaamal bahha heenim keenil baaheyyo› 'yaanam iyye» keenik iyye.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Daaniyel 10:1

Kooris Fursi-malik yekkeemih sidiica sanat yekke saaku, Daaniyelil farmo temeete. Malik, Daaniyelih migaaqah Beltasaxxar yeyyeeqeh suge. Kaal temeete farmo nummâ-farmok tene'mmay, xayih edde radoonu duudan farmok mananna. Yalli woo farmok maqna wacyi gurral kaa yuybulle.

Daaniyel 6:28

Daaniyel, Daryawes kee Koorisiy Fursih yooboke dardaarinni-dabaanal, kullim gabal akak bicta num yekke.

Caggay 1:14

Kay Qibaadah-Qari nammeyhaak xisaanamih fayxi YALLI keenit hee. Yuudâ-rasih amoytah yen Darabbabel kee, kaxxa seekih yen Yoosuwa kee, wohuk kalah yan maray baatik saaboh raaqehiyya yakkeemik, YALLAY Nabaamak Nabaah ken Dagelta kinnihiyyah Qibaadah-Qari bicsaanam qimbisen.

1 Samuwel 26:19

Malikow, axcem yok oobbey. Yi amot koo haytem YALLA tekkek, kaah sadgat abnay nek oggolay. Hinna'mmay sahda koo edde asissam tekkek, too maral YALLIH abaaro obtay. Ta mari YALLI doore baaxok yoo yeyyeeqeeh marin baaxoy Yallih aftok gabak bicsen duyye uqbud yok elle iyyaanal yoo heen.