2 Aydaad 36:20 - NABUWWA KEE MALIKWA

²⁰ Rabak raaqe mara Baabelon rasu fan seewah orbiseeh; tokkel Fursi-malik reedda 'yam fanah, Baabelon malik kee kay marih gubal ken akdamuk sugen.

2 Aydaad 36:20 ပူးပေါင်းရင်းမြစ်များ

2 Malikwa 25:11

Tohuk gaba kale waqdi, Nabudardanay qaskar abbah yenehiyya magaalah addal raaqeh suge mara kee, gabâ-naggarinna luk yen mara kee, qeebi yekke way Baabelon qaxat gaceh suge Yuudah-mara inkih, Baabelon fan seewah bee.

2 Aydaad 36:22

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruube. Kaadu, warkatal too farmo yuktubeh ruube. Toh abaamih fayxi kaat haytem, YALLA.

Qedra 2:1

Duma seewah been marak rade marak, Yarusalaam kee Yuudâ rasu fan yuduure marih migooqa ah teeti. Ta mari akak rade mara yakkeemiik inkih, Nabkadnessar deqsita malik Baabelon baaxo fan seewah beeh suge. Too saakuk xabba haanam too baaxol baaxo caboytiitih sugen. Isinni baaxo gufen waqdi, kulli numuuy isi magaala fan keenik gace.

Qedra 5:12

Ni kaxxa abbobti Yalli niqba taamat asseemih sabbatah, qaraanal yan Yalli, Kaldayah yooboke Nabkadnessaray Baabelon baaxok malikih yenehiyyak qeebil ken gacsiise. Too saaku Yallih Qibaadah-Qari yiggileeniih; tokkel suggu 'ye mara seewah Baabelon rasu fan been.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 52:28

Malik Nabkadnessar isih malik yekkeemih malcinhaytô-sanatat yan saaku, sidiica alfi kee labaatanna kee sidiica num Yuudâ-rasuk seewah bee.

Yacedkel 19:13

Away kaadu Yallih gabak bacarih tan baaxoh addal, lee sinnih yan bakarroytal tet daabiseeniih toobokeh.

Yacedkel 38:5

Fursi kee Kuus kee Fuut rasuk yemeete mari ken lih yan. Too mari inkih gob loonuuh amot dacayrih haan birti-kalabta lon. Koo catoonuh bical yanin.

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.