2 Aydaad 36:18 - NABUWWA KEE MALIKWA

¹⁸ A malik Qibaadâ-Qarih addal sugte duyye kee, a qarik makaadanal sugte duyye kee, malik Xidkiyah buxal sugte edderra heemik tu macabinnay dannabah Baabelon fan orbise. Kay gubal sugte doolat abbobtih buxaaxi kaadu buubeeh, tonnah kaadu dannabah bee.

2 Aydaad 36:18 ပူးပေါင်းရင်းမြစ်များ

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

2 Aydaad 36:7

Sarrak too malik YALLIH Qibaadah-Qaril sugte duyyek tu takkem Baabelon fan dannabah beeh, isi qarih addal hee.

Yasaqya 39:6

‹Ku qarit duyyek enna 'tam kee, ku kaxxa abbobti a saaku fan gaabosse duyye inkih, Baabelon fan edde weeroonu waan wakti xayyooweeh; caboonu waanam malon.

Daaniyel 5:3

Too waqdiik dahabak bicsen kobbaayiy kee sacnittey Yarusalaamal yan Yallih Qibaadah-Qarik dannabah orbiseenihiyya kay qarih adda baahen. Too waqdi too duyyel, kaa kee kay maray xintoh miracwah yanihiyya kee kay agabu kee caggô-gubbih caggoh ginnaaqot le agabu tooqobe.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.