2 Aydaad 36:17 - NABUWWA KEE MALIKWA

¹⁷ YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

2 Aydaad 36:17 ပူးပေါင်းရင်းမြစ်များ

2 Aydaad 24:21

Malik Yooqas edde anuk, ta seekik aboonu waanamal malissa heeniih; tohuk wadir malik «Kaa qida» 'yaanamih amri yecee. Too mari YALLIH Qibaadah Qarih daaratal kaa qiden.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Aydaad 34:24

‹Yarusalaam kee teetil yan mara digaaleyyo. Ama kitaabay koh yikriyeenihiyya elle inta'nnal bala oobiseyyo› iyyah yan.

Qedra 5:12

Ni kaxxa abbobti Yalli niqba taamat asseemih sabbatah, qaraanal yan Yalli, Kaldayah yooboke Nabkadnessaray Baabelon baaxok malikih yenehiyyak qeebil ken gacsiise. Too saaku Yallih Qibaadah-Qari yiggileeniih; tokkel suggu 'ye mara seewah Baabelon rasu fan been.

Qedra 9:7

Ni kaxxa abbobtih dabaanaay, akke, neey ku mara kinnihiyya dambi abittok way maadayinnino. Nanu abne dambik gexxaamah, neey ni malikwa kee seekak nakkeemiik, marin malikwah milkih gacneeh; nee buubeeniih, nee qideeniih, seewah casbit yabbixen marih gurral nee been. Caddi akah abe waan maray qaybit radehiyya nekkeh sugneeh, uxih too marah akah nan.

Yasaqya 13:18

Ta mari gayse kee gaysê-baxat furrayna qidele. Salaadah maracmataanaay qunxa urruh maxuwaawan.

Yasaqya 43:28

Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Ermiyaas 16:6

Gaddali kee baacoyti keenik inkih, ta rasul elle rabeleeh, num keenih marookitaay, num ken mayaaguqa. Ken rabih rookah isi xagar num masalliyaay amo isik num mamoola.

Ermiyaas 18:21

Tahaysa, YALLAW, xaylo keenik qulul gadda ab. Carbit ken sel. Agabu keenik xalay-maleela kee gubun ab. Labha keenik dalkat selli hay; furrayna carbit keenik sel» 'yaanamat emeete.

Ermiyaas 21:1

Yuudâ-rasuk malikih yan Xidkiya, Malkiyâ-Fascur deqsita num kee sek Maqseyaahû-Xafanya deqsita num Ermiyaas fan ruube. Too mari kaak iyyeemih, «Baabeloonuk yemeete Malik Nabkadnessar kee kay qaskar qeebi net abtah tanik, ku maganah YALLA neh kallac. YALLI isi abtoy qagabah tanihiyyak tuk teena abba heeh ken nek yayyaaqem takkehik, YALLA neh kallac» 'yaanam farmoh kaah ruube. Too saaku YALLI Ermiyaasal oobise qangara ah teeti.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 32:28

Tonna leemiik, a magaala, Malik-Nabkadnessar kee kay qaskarih gabal heeyyo. Too mari qeebit tet abbixeleeh,

Ermiyaas 32:42

A bala keenil oobiseyyo akah exce'nnal, keenil oobiseh. Tonnah kaadu, keenih abeyyo exce maqaane inkih, keenih duuduseyyo.

Ermiyaas 40:3

Amah kaana; away too-abeyyo-inxicca-'yem inkih abeh. Tah inkih siinit akah tekkem, sin mari YALLAL dambi lem baaheeh, usuk keenik aba iyyem cineenimih siinit tekke.

Ermiyaas 51:22

Agabu kee labha edde qidsiisak sugem, sin gabaay; qunxa mara kee kaxxa mara edde qidsiisak sugem, sin gaba. Lab-urru kee say-urru kaadu edde qidsiisak sugem, sin gaba.

Ermiyaas 9:21

Macaay inteenik, rabi qarik xoggaak buxah adda nek culeh yaniih, maroh gasoosa edde nabbixe magaaloolih adda culeh yaniih, urru gitittel nek raaqisah yan. Furrayna qadaagah aroocal nek raaqisah yan» iyye.

Yacedkel 16:40

«Xeetit koo qidaah, seefit xagar kok kuramkuru waa mara kot ugselon.

Yacedkel 21:28

«Bani-adantow, takku waytaamat yab. Ama Israayil mara xaafa Qammon marak, yoo YALLAY Mulki lehiyya axcem, keenih waris. ‹Baysa seef bical yan! Qiduuy cankaxi innah bixiq iyyuh, kaa duugeenih yanin.

Daaniyel 9:14

YALLAW, ni Dageltaw, ni digaalah bical gacteeh, kulli way cakkik tanim abtaamih sabbatah, nee digaalteh. Nanu atu aba intem cinneh.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.