2 Aydaad 36:16 - NABUWWA KEE MALIKWA

¹⁶ Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

2 Aydaad 36:16 ပူးပေါင်းရင်းမြစ်များ

2 Malikwa 2:23

Sarrak Eliisaq Yeriko cabeh Beetal-magaalah-gexoh gital yan waqdi, lab-urri magaalak yewqeh kaal yemeeteeh; too waqdi, «Bidaarow, akkek gex! Bidaarow, akkek gex!» axcuk kaal anqaasen.

1 Aydaad 19:4

Cannun too yab yoobbe waqdi, Malik Dawud ruube marak deben mollaay sartanay edde sugeenihiyya xiiqarel keenik qanxissa heeh ken xiiriye.

2 Aydaad 24:19

YALLI, uma gitak ken waasaana'gidiy kay fan ken gacsaana'gidih, nabuwwa keenil ruube'mmay, ummatah tu gactek, ken yab aabbe cineenih.

2 Aydaad 30:10

Farmoh ruuben mari too farmo Efrayim kee Manassê-kedoh rasul tan magaalooli kee Dablon kedoh rasuk kaadu kilbat le kabuh amma 'yaanam yakke marah inkih warsen. Takkay immay too mari too farmo yoobbe waqdi, asal kee furkacatah ken haysite.

Qedra 5:12

Ni kaxxa abbobti Yalli niqba taamat asseemih sabbatah, qaraanal yan Yalli, Kaldayah yooboke Nabkadnessaray Baabelon baaxok malikih yenehiyyak qeebil ken gacsiise. Too saaku Yallih Qibaadah-Qari yiggileeniih; tokkel suggu 'ye mara seewah Baabelon rasu fan been.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

Nacmiya 9:30

Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.

Yasaqya 28:22

Ahaysa anqas tayseedeenimi. Cinna hayteenik, axawah edde tanin silsilat kiriqqa siinil heelon. YALLAY Dagelta kinnih, Nabaamak Nabahiyya siinil oobisu waa baati siinil yuckumem yoh warseh yani'mmay, anqas cabtaanam siinih tayse.

Yasaqya 5:4

A caxa taabuke'gidih, meqe xaylo xalta'gidih, abe akah weem maay liyo? Meqe xayloy xaltam faxe; maxalinnaay; mabaahinna. An' cube weeh, acsube wee mulcu le xaylo yoh xaltem macâ-sabbata? Sabab le?

Yasaqya 57:4

Iyya tekkeenih sinaamal anqassaanaah? Makoleelaay dirableelay, af elle raqeeqissaanam iyyaay?

Yasaqya 65:12

Sin ellecabo tah teeti: Uma rabay ableh uma rabettoonum raq lem hinna. Sugdi-gadda sin abeyyo; tamah siinil baahu waama. Taham siinil 'kah baahu waam, siinih seeceeh yok cinteeniih sin lih yaabeh aabbe cinten. Yok foocal umaanet assen; yi yab cinteenih uf inten. Anu faxe waa gitittet gexxeenih tohum dooritten» 'yaanam siinik iyye YALLI.

Ermiyaas 13:10

Oson umeynitiiy, amri yok cineenih. Yi yab aabbe waa maray isinnih faxam aba yekken. Sinam Yallih aftok taqbude tumamme, too marak kaxxih, yaqbude mara yekkeeni'mmay, tahak wadir tama saroh innah, hebeltô-tu'xiq-sinni-maray baaxot radehiyya ken abeyyo.

Ermiyaas 20:7

YALLA lih yaabeeh exceemih, «YALLAW yoo aylahisseh, kol aylahite. Qandeh yok taysem aaxigeh; caylah yok teyseh. Sinam burah af yol raqeeqissaah, anqaasah yol raban. Inkih tan ayro yol anqaasak asan.

Ermiyaas 20:8

Yaabinnaan waqdi, ‹Baati siinit temeeteh umaane sin tibbixeh› axcuk deero aba. Ku farmo warsa num ekke'mmay, ku farmo akah warsa mari anqaasah yoo leeh yoo bursutaanah.

Ermiyaas 30:12

YALLI kaadu iyyeemih, «Abten mudum akak urtan mudum hinna. Sin dale urta dale hinna.

Ermiyaas 32:3

Kaa casbissem, Malik-Xidkiyak teneeh; kaa akah casbisem, YALLI iyyem warseemih sabbata. Ermiyaas Xidkiyak iyyemii, «YALLI, ‹Ama magaala Baabelon malik abbixele› 'yaanam iyyeh yaniih,

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Ermiyaas 38:6

Too waqdi beyya kaa heenih akattat uxuyya kaa heenih, malik-qarih-daaratal yen birkatat tagra gurral kaa qiden. Too birkat, malik baxay migaaqah Malkiya deqsitak yenehiyyah birkatak ten. Too birkat kallak sah, lee luk manannaay; tonna leemiik too kallak addat cule.

Ermiyaas 42:18

«YALLAY Nabaamak Nabah, Israayil doore Dagelta kinnihiyya iyyaamah: ‹Yi naqbi Yarusalaam maral akah oobe'nnah, uxih kaadu yi yab cinna heeh Masri gexu waa maral oobele. Woo marat tekkem net akke waytay akak iyyan mara akketton. Sinam titta abaarta waqdi, Woo marat tekkem siinit takkay akak iyyan mara akketton. Sahda bursutta mara akketton. A rasu ahak wadir matablan› siinik iyyeeh, YALLI tamah siinil gacseemi» keenik iyye.

Daaniyel 9:6

Ku migaaqal yabte nabuwway ku naqoosah tanihiyya, ni malikwaay ni miracwa kee ni kaxxa abbobtiiy ni ummattah inkih warissem cinneh.

Makaabon 2:17

Takkay immay too makaabonuy Yalli keenih heehiyyah yab cinak sugen. Ken kaxxa abbobti YALLAL luk ten imaan cabeeniih; Yallih aftok duyyeeyâ-qibaada faxeeniih, too duyyeeyah qibaadah gommoh raden. Ken kaxxa abbobti YALLI iyyem abak yeneeni'mmay, ta ado Yallih yab cinteh.