2 Aydaad 36:13 - NABUWWA KEE MALIKWA

¹³ Baabelon-abbay Nabkadnessar deqsita Xidkiya malik abe saaku, kay yab yaabbu waamih tiyal, Yallih migaaqal dirkih kaa xibsiiseh suge'mmay, Xidkiya kay yab moggolinna. Fiirik geerah YALLAY Israayil doore Dageltah yanit baaqid mahannaay; toobitta 'yeh kaal yaduureenim cineh.

2 Aydaad 36:13 ပူးပေါင်းရင်းမြစ်များ

2 Samuwel 21:2

Gibqon mari Israayilih yooboke mara hinnoonuuy, Amoorah yooboke dago maray Israayil mari duma, ‹Sin maxagnay amo siinik dacrisenno› axcuk qahdi akah culeenihiyyak ten. Saawuluuy Israayil kee Yuudâ-marih taagah inkitanuuk ken bayisam faxeh yen.

2 Malikwa 17:4

Takkay immay sarrak Hosiqa, Masri-malikiy migaaqah Soo deqsitahiyyah farmo ruubeh, «Yoh amay yoo cat» 'yaanam iyyeeh, kulli sanatal Assuuriyah-malikih ruubak yen qusuur yeyseedeh. Assuuriyah malik toh yoobbe waqdi, «Hosiqa casbit haa» iyyeh casbit kaa haysiise.

2 Malikwa 24:20

YALLI, Israayil kee Yuudah ummat yinqibeeh, ellecabol isi garik ken xiiriyeh. Xidkiya Baabelon malikiy Nabkadnessar deqsitahiyyah gubat xiinaanam cineh.

2 Aydaad 24:19

YALLI, uma gitak ken waasaana'gidiy kay fan ken gacsaana'gidih, nabuwwa keenil ruube'mmay, ummatah tu gactek, ken yab aabbe cineenih.

2 Aydaad 30:8

Oson akah sugen innal, aabbe cina mara makkinay; YALLIH amri oggola. Away Yarusalaamal yan Qibaadah-Qariy YALLI kulli way taahir abehiyyal ama. YALLIH bagcarrak cattintaana'gidih, kaay sin Dagelta kinnihiyya uqbuda.

2 Aydaad 36:14

Tohuk kalah kaadu, Yuudah abbobti kee seekah abbobti Yalla cinna hayteh, cuggaaneh keenik yan mari edde ase umâ-yabulih-tan-taama inkih kataateeniih, xeet kee cooxuk bicsen duyyeeyah qibaadat gacen. YALLI isih taahir abe Qibaadah-Qari nadaasa aben.

Qedra 4:12

Nabna le amoytaw, koh warisnaamah, Yahuud-maray koo le'kkek nee le'kke fan yemeetehiyya a saaku Yarusalaam magaalal nookeenih yanin. Taaxige uma magaalay umeynitih yan mari elle sugehiyya nammeyhaak xisaanam faxan. Oson woo magaalah rakiibo bicseenih gasok kaadu xayih gaba kalaanam faxan.

Nacmiya 9:29

Atu aba intam abe weenik, keenit takku waytaamih garci keenih kalteh. Ku xinto kataata mari isinni rooci wadele'mmay, too mari, ku xintok sah giti ane waam aabbih, kaxxiinitak ku xinto cineenih, keenih warisah darre kot caben.

Yasaqya 48:4

Yab ayti akak cule waah, xixxaqay lee adda akak cule waytah bis litoonum aaxaguk en.

Ermiyaas 43:2

Too waqdi Hosaqyâ-Qadarya kee Kareyyác-Yocanan kee, wohuk kalah tan labhay anaani luk tenehiyya kaak inteemih, «Away atu edde yabtam diraaba'kkal, YALLAY ni Dageltah yani kok inxicca iyyem hinna. YALLI, ‹Masri fan magexinaay dabaaqah wokkel magacina› 'yaanam nek m'iyya.

Daaniyel 5:20

Takkay immay kaxxa kaxxiina kee isih iyyeemih fayxi baahe waqdi, malikannuk oobeeh luk suge nabna weeh.

Zakariyya 7:12

Afqado keenik gibdah, xaa tekke. Oson anu ruube nabuwway yi Roocaaniyya cato leeh, yi xinto barissahiyyah yab cineeniih; tohih sabbatah ken inqibeh suge.

Yoosuwa 9:15

Yoosuwa qalla ken lih haysiteeh; yanoonay ken iyye. Israayil marih abbobti Yalla-kee-xagana ken lih haysitteeh; keenil make waanamih xagana keenih culen.