2 Aydaad 36:10 - NABUWWA KEE MALIKWA

¹⁰ Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

2 Aydaad 36:10 ပူးပေါင်းရင်းမြစ်များ

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

2 Malikwa 20:17

‹Ku qarit duyyek enna 'tam kee, ku kaxxa abbobti a saaku fan gaabosse duyye inkih, Baabelon fan edde weeroonu waan wakti xayyooweeh; caboonu waanam malon.

2 Aydaad 36:18

A malik Qibaadâ-Qarih addal sugte duyye kee, a qarik makaadanal sugte duyye kee, malik Xidkiyah buxal sugte edderra heemik tu macabinnay dannabah Baabelon fan orbise. Kay gubal sugte doolat abbobtih buxaaxi kaadu buubeeh, tonnah kaadu dannabah bee.

2 Aydaad 36:7

Sarrak too malik YALLIH Qibaadah-Qaril sugte duyyek tu takkem Baabelon fan dannabah beeh, isi qarih addal hee.

Aster 2:6

Malik-Nabkadnessar deqsite Baabelon-malik, Yuudâ-malikiy Yahoyaasin deqsitehiyya carbit yibbixe mara lih hayya heeh Baabelon rasu fan seewah bee saaku, Mordakay woo seewah been marak numuk teenah yen.

Yasaqya 39:7

Ku abuusay kok radehiyya seewah beeloonuuh; ken seelabba heenih Baabelon-malikih gasoh addal ken tamsiiselon.› Taham intam YALLA» kaak iyye.

Ermiyaas 20:5

Oson buxal luk suggu 'yeenimiy edderra heenik tu macabaanay, inkih keenik beelon. Buxal luk suggu 'yen duyyek tu macabaanay keenik buubelon. Yuudâ-malikwa buxah addal luk sugte duyye inkih, kaadu isinni baaxo fan keenik beelon.

Ermiyaas 22:25

akak meysitta maray koo qidam faxah gabal koo haak en. Taway kinni way too marih gabal koo heeyyo. Malik-Nabkadnessar kee kay qaskarih gabal koo heeyyo.

Ermiyaas 24:1

Ermiyaas iyyeemih, «Baabelon malikiy migaaqah Nabkadnessar deqsitahiyya, Malik Yahoyaakím-Yahoyaasin kee kay gubal ten xintoh abbobti kee, naggaaritte kee taamah ixxiga luk yen mara gaabossa heeh, Yarusalaam magaalak Baabelon rasu fanah seewah beyya heek lakal, YALLI wacyih namma kafaqay YALLIH Qibaadah-Qarik foocal daffessa heeniy addat *sublâ-xaylo akak tani yoo yuybullee.

Ermiyaas 27:16

Tohuk lakal YALLI iyyem seeka kee raqqa 'te ummatah warse. Too marak kaadu excemii, «YALLI siinik iyyeemih, ‹Yi Qibaadah-Qarik Baabelon fan dannabah been duyye xayi saaku gacselon iyya maray nabuwwah litoonuhiyyah yab maabbina. Oson siinil yaceenim diraaba.

Ermiyaas 28:3

Duma Baabelon-malik YALLIH Qibaadah-Qarik beeh suge duyyey Baabelon fanah dannabah beehiyya wadir namma sanatih addat akke gacseyyo.

Ermiyaas 37:1

Baabelon-malikih yen Nabkadnessar baaxo yibbixek lakal, Yahoyaakím-Yahoyaasiniy malikih sugehiyyah aracal, Yoosiyaahû-Xidkiya Yuudâ-malikih hee.

Yacedkel 1:2

Waktik kaadu Yahoyaasin deqsita malik seewah Baabelon fan edde baahen konoyhaytô sanatak ten.

Yacedkel 17:12

«Ama yabti-cina-leela a ceelalloy baahehiyyak maqna yaaxigeenim keh ken esserey. Baabelon malik Yarusalaam fanah amma 'yeh, malik kee kay maray kay gubal abbootan luk sugehiyya Baabelon fan beem keenih waris.

Yacedkel 17:6

Taaxige dariyyi qinab caxa yekkeeh; kaxxam fayya maxcinnay, elle yani'kkel baxacah gexeeh, ambuk maacise. Ludwa akak, gubaak taaxige qawi elle tani'kke fan fayya 'te; ramiida akak baaxot addah gexxe. Mango ludwa kee ayyuufa bahte.

Daaniyel 5:2

Maqabat yanin waqdi, kaa kee kay xintoh-miracwaay kay agabu kee caggô-gubbih caggoh ginnaaqot le agabu elle yaaqubeeni'gidih, Belsaxxar amri yeceeh iyyeemih, «Gexay yi abba Yarusalaamal yan Yallih Qibaadâ-Qarik baahe dahab kee lakqok bicsen kobbaayiy kee sacnitte annah addah culusa» iyye.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Cabakkuk 1:10

Ta mari, malikwa qunxa intit yable mara kinnon. Kaxxa maray doolatat yanihiyyal qangi asalah rabaanah. Faxe gaso haanamah magaala cule ken kalaanam maxiqan. Magaalat maroh tan gasot ballaaqe massossa heenih teetil koreenih, tet abbixelon.