2 Aydaad 35:11 - NABUWWA KEE MALIKWA

¹¹ Yesketten illi kee wadar yusguudeenik lakal, arab mayyuq Leewih mari abe. Seeka yusguuden saqih qabal, sadgat elle aban aracal rifte.

2 Aydaad 35:11 ပူးပေါင်းရင်းမြစ်များ

2 Aydaad 29:34

Mangah woo saq inkih tasguude seeka wokkel masuginnaay; tonna-leemiik Leewî mari woo saq inkih usgudda haanam fan kee gersi seeka taahirih gactam fan masgaadal seeka catak sugen. Leewî mari imaanak gexxaamah, seekak fula taahirik isinni abbaxuk sugen.

2 Aydaad 30:16

Too waqdi Muusay Yallih num kinnih xinto elle inta innal, Yallih Qibaadah-Qaril kulli way elle gacoonu waan arac haysiten. Leewî-mari sadgatah qiden saqih qabala seekal yeceeniih; seeka woo qabala sadgat elle xayyoosan aracal caxxe.

2 Aydaad 35:1

Malik Yoosiyaahu Yarusalaam addal Elle-Tatriyyi-Qiid YALLIH cormatah yessekexxeeh too ayro qiidih ase. Sanatak naharsi alsak taban kee fereyhaytoh ayro too qiidih saqa qiden.

2 Aydaad 35:12

Sarra cado akak carrisan sadgatih mattacoh qaada ummattâ-gabal heenih; too mari gulub-gulubuh baxsimma 'yeh, too sadgat YALLI Muusal oobise xinto elle inta innal, YALLAH xayyoosen. Tonnah kaadu yesketten awurwa sadgatah xayyoosen.

2 Aydaad 35:6

Elle-Tatriyyi-Qiidih maraaqe sadgatah qiddaanama. Tahaysa taahirik gacca xicay sadgatah qidan saqa missoysa. Toh abtan waqdi, Israayil mari YALLI Muusal oobise xinto intam abelon» keenik iyye.

Qedra 6:20

Too ayro seeka kee Leewih yooboke mari inkih taahirik gacca 'yeh ase. Leewih yooboke mari Elle-Tatriyyi-Qiidih, marin baaxok amma 'ye mara kee toobokoh keenik tan seeka kee isinni migaaqal, maraaqe sadgatah yusguuden.