2 Aydaad 34:8 - NABUWWA KEE MALIKWA

⁸ Malik yekkeemih taban kee bacarhaytô sanat gufe saaku, inkih tan baaxo kee YALLIH Qibaadah-Qari taahir abeeh; sugga 'te duyyeeyay Yallih aftok aqbuduk sugeenihiyya ragid cabsiiseh. Tohuk gaba kale waqdi, YALLIH Qibaadah-Qari nagay bicsaana'gidih, sidiica num ruube. Too sidocuy ruubehiyya Axalyaahû-Safan kee Maqseyaahu deqsita numuy Yarusalaam magaalak xintoh abbah yenehiyya kee Yowaacád-Yowaca deqsita numuy tikki 'taamah kutbeh abeenah yanihiyya ruube.

2 Aydaad 34:8 ပူးပေါင်းရင်းမြစ်များ

2 Samuwel 20:24

Adoniiram dirkih-tamsiisan-xooquh-xiinah abbah yen. Aciilúd-Yacoosafat kaadu tikka intem yaktube numuk ten.

2 Samuwel 8:16

Yowabay Xaruya deqsitta barrah baxak yenehiyya qaskarak inkih abbah yen. Aciilúd-Yacoosafat deqsita num tikka intem yaktube numuk ten.

1 Aydaad 18:15

Yowabay Xaruya deqsitta barrah baxah yenehiyya qaskarak inkih abbah yen. Aciilúd-Yacoosafat deqsita num tikka intem yaktube numuk ten.

2 Aydaad 18:25

Tohuk lakal Malik Acab isi qaskarih abbak iyyemii, «Miikayhu uxuyay magaalâ-xintoh abbah-yan-Amon kee malik-baxa-Yooqas fan kaa bey.

2 Aydaad 24:12

Malik kee sek Yoyadaq too lakqo YALLIH Qibaadah-Qari bicsa marih amol yan marih gabal haak yenen. Qarik tiddigille arooca xeetik xisa maraay coox bicsa mara kee biriita kee nacaasak tu bicsa mara a taamah doortem keenik ten.

2 Aydaad 24:5

Too waqdi seeka kee Leewih yooboke marah seeceeh, keenik iyyemii, «Yalla kinni sin Dageltih Qibaadah-Qarih aqusbuusiyyah sanatal faxxinta lakqo kobxissaana'gidih, Yuudâ-rasul enna 'ta magaalooli fan xayuk gexxa xicay, tama lakqo gaaboysa» keenik iyye. Takkay immay Leewih mari gexok udurruteh.

Ermiyaas 21:1

Yuudâ-rasuk malikih yan Xidkiya, Malkiyâ-Fascur deqsita num kee sek Maqseyaahû-Xafanya deqsita num Ermiyaas fan ruube. Too mari kaak iyyeemih, «Baabeloonuk yemeete Malik Nabkadnessar kee kay qaskar qeebi net abtah tanik, ku maganah YALLA neh kallac. YALLI isi abtoy qagabah tanihiyyak tuk teena abba heeh ken nek yayyaaqem takkehik, YALLA neh kallac» 'yaanam farmoh kaah ruube. Too saaku YALLI Ermiyaasal oobise qangara ah teeti.

Ermiyaas 25:3

«Amón-Yoosiyaahu malik edde yekke taban kee sidochaytô-sanataay takke fanah, labaatanna kee sidiica sanatah, YALLIH farmo fiiruk geerah siinih warsa'mmay, maqal yok edde mahaysitinniton.

Ermiyaas 26:24

Takkay immay Ermiyaasah tu gactek, Safán-Acikam deqsita num maroh amol yaabal kaa cateeh, tonna leemiik rabak cattiimeh.

Ermiyaas 29:21

«Tonna'mmay YALLAY Nabaamak Nabah, Israayil doore Dagelta kinnihiyya, Kolaayah-Acab kee Maqseyaahû-Xidkiya deqsitta namma numih tiyak iyyaamah, ‹Oson siinil yaceenim diraabaay; YALLI nek iyye axcuk diraabat sin lih yaaban. A namma num, Malik-Nabkadnessar gabal ken heeyyo. Too malik siinik foocal xabba ken heeh ken qidele.

Ermiyaas 29:3

A warkat uktubba heeh elle yeceem, Safán-Elqasa kee Cilkiyyâ-Gamarya deqsita marih nammayay Malik-Xidkiya Baabelon-malik fan farmo elle ruubak sugehiyyak ten. Yuktube warkatal teneemih,

Ermiyaas 36:10

Too mari inkih elle gaaboowe'kkel, Baaruk xambaqen-warkat fakka heeh, YALLIH yaabay Ermiyaas kaah warsehiyyak kawsa keenih abe. Toh keenih elle yikriyem, YALLIH qibaadah-qarih addal Gamarya deqsita numih golih addak ten. Gamaryak abba Safan deqsitak yeneeh, duma malik-buxak kutbe-abeenah yen. Too qari elle yenem, YALLIH Qibaadah-Qari luk yen daga raqta golittek golik teenay Qibaadâ-Qarik Qusba-afay akak culaanahiyyak garik ten.

Ermiyaas 39:14

Ermiyaas edde suge malik-qarih-daaratak kaa bahsiisen. Sarrak Acikám-Gedalya deqsita numih gabal kaa heen. Sarra «Ta num xabba haay kay buxa fan kaa guddus» iyyen. Acikám-Gedalya, Safanya deqsita numuk baxi-baxak ten. Too num Ermiyaas beyya heeh, kay buxal kaa hayya hee. Tonnal Ermiyaas isi ummattah addal gace.

Ermiyaas 40:11

Sarrak Yuudah-ummatay Mooyab kee Qammon kee Edom kee, wohuk kalah tan baaxol sugga 'tehiyya inkih, Baabelon-malik Yuudâ-rasul ummatak tu takkem cabeeh; too marak abbah Acikám-Gedalya keenik heeh cabe 'yaanam yoobben waqdi,

Yacedkel 8:11

Too saaku too duyye aqbuduk sugte Israayil idoola, Safán-Yaadanya deqsita num edde anuk, tokkel malcina-tabanih num akkuk yenen. Kulli num keenik qaydarus elle ruuban girgira gabat luk yen. Too girgiraarik qer awaquk yen.