2 Aydaad 34:31 - NABUWWA KEE MALIKWA

³¹ Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule.

2 Aydaad 34:31 ပူးပေါင်းရင်းမြစ်များ

2 Malikwa 11:14

Woo baaxol qaadah akah abak sugen innah, YALLIH Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Farcatak yan maray waxxaq iyya kee baanta yaagurehiyya tuble. Toh tuble waqdi Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

2 Malikwa 11:17

Sek-Yoyadaq, Malik-Yooqas kee ummatta, YALLIH mara yakkeeni'gidih, YALLA kee ken fanal bica abe. Tonnah kaadu, malik kee ummatta fanal tu'bica abe.

2 Malikwa 11:4

Malcinhaytô sanat sek-Yoyadaq malik-buxah marat dacayrih tan qaskar kee, malik buxa dacrissa qaskarak bool-abbah ten qaskarah, «YALLIH Qibaadah-Qari fan ama» 'yaanamih farmo ruube. Oson yemeeten waqdi, usuk niyat lem kaa'lih abe loonumuh titta ken geysiiseeh, YALLIH migaaqal ken xibsiiseh. Too waqdi Malik-Acadyâ-baxa-Yooqas ken yuybulleeh.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

2 Aydaad 15:12

Tokkelii, «Tahaysah, YALLAY nanu akak radne ni kaxxa abbobti doorehiyya baguuk aqbudenno» 'yaanam iyyeeniih, too tiyal sittin-gey haysiten.

2 Aydaad 15:15

Too ayro gaabowwa 'ye mari, inkim axcuk ta tiyal isinni afqadook titta geenimih sabbatah, kaxxam ruffa iyyen. YALLA yaqbudeenim kaxxa rufto keenil tekkeeh; YALLI oson aban qibaada keenik raabiteh. Tonna-leemiik elle yanin baaxok kulli exxa amaan keenih abe.

2 Aydaad 23:16

Sek-Yoyadaq, Malik Yooqas kee ummatta YALLIH mara yakkeeni'gidih, YALLA kee ken fanal bica abe. Sitta fanah xayyossa heeh, YALLIH mara akkeloonumuh Yalla-kee xagana ken culse.

2 Aydaad 29:10

«Anu taway YALLAY Israayil doore Dagelta kinnihiyya net bagcarrite waa'gidih, bica kaa'lih abam faxa.

2 Aydaad 30:16

Too waqdi Muusay Yallih num kinnih xinto elle inta innal, Yallih Qibaadah-Qaril kulli way elle gacoonu waan arac haysiten. Leewî-mari sadgatah qiden saqih qabala seekal yeceeniih; seeka woo qabala sadgat elle xayyoosan aracal caxxe.

2 Aydaad 31:21

Usuk, Yallih Qibaadah-Qarih abba haa taama kee Yallih xinto elle inta'nnal abe taama inkih, isi Dageltah baguuk abak yeneeh; kalah kaadu Yallih qibaadat dibuk yan numuk ten. Tohuk gexxaamah abinnaan taama inkih missat kaah gacte.

2 Aydaad 34:32

Benyam mara kee Yarusalaamal suggu 'ye mara aham abu waamah xagana culse. Tonna leemik Yarusalaam mari Yalli ken kaxxa abbobti lih heeh yen qahdih faxximma 'taamah amrisimen.

2 Aydaad 6:13

Suleeman fayya 'ya aracay nacaasak bicseenihiyya Yallih Qibaadah-Qarih daaratih gudel heeh yen. Too aracay nacaasak bicseenihiyya affara kabuk tittat koona cusul akkuk yen. Fayyah kaadu sidooca cusul akkuk yen. Sarrak too mansafal bukka 'yeeh, kulli num kaa elle yable ikkek gulubuh nokka 'yeeh, dooqah qaran fanah namma gaba fayya hee.

Qedra 10:3

Tanna kinnuk, taway ta agabuy ginnaaqot nabbixe kee keenit xalle xaylo buxak ninnik ken xiiriyennoomuh, Yallah qahdi cullay. Koo kee kok kalah yan maray Yallih amri yassakaxxehiyya aba nek axcinnaanim abenno. Yalla kinni ni Dageltih amri iyyam abenno.

Nacmiya 10:29

nek saqoltih yan mara lih gacca inneh, ‹Yallih xintoy isi naqasuh yan Muusal ruubehiyya intam cinna haynek, digaalah abaaro nee tabbaxay› 'yaanamal xiibinnah nan. YALLAY ni Dageltah yanihiyya nee akah amrisem oggolenno. Kay amri kee usuk nek aba iyyem abenno 'yaanamal titta geynah nan.

Nacmiya 10:30

Tonna leemiik, akkel ni rasul ne'lih yan marin baaxoh maral rihime waynaah, nek kaadu rihmise waanama.

Nacmiya 9:38

Tohuk lakal «Net tikka 'teemik gexxaamah, Israayil ummattak nanuu, titta elle geyne tittin-gey kutbeh haysinnah nan. Too kutbel nek saqoltiiy, Leewih yooboke mara kee seeka firma heelon» iyyen.

Ermiyaas 50:5

Siyoonuh gacan gita esserak, too gita keenih yascassoonu waan waqdi, too gita fanah afkunelon. Too waqdi yi mari, ‹Nee kee YALLI fanal, way bayu waa bica heenno› sittak axcelon.

Yacedkel 46:2

Baaxoh abba afa le kabut raaqa daaratak gacca 'yeh, adda le kabut raaqa daaratih culma akak culan naharsi golik culla iyyeh, sarra culmal tan qamidwa le kabuuk solla iyyay. Too waqdi cado akak cararisan sadgat kee amaanah xiinaanamih astah baahe sadgat, sek kay aftok cararisaama. Sarrak too culmah garil dooqa abba heeh yawqeemi. Ayrô-mawqa le kabut raqta culma bari tikka 'yam fanah alfe woonay.

Yoosuwa 24:25

Yoosuwa too saaku YALLIH aftok ummatta lih bica abeeh; tokkel Seekem deqsita aracal kataatoonu waan xinto kee amri keenih warse.