2 Aydaad 34:25 - NABUWWA KEE MALIKWA

²⁵ Kalah kaak intaanamahaa, ‹Toh akah abu waam, oson yoo cineeniih, xeet kee cooxuk isinni gabak bicsen duyye yaqbudeeniih; anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Aydaad 34:25 ပူးပေါင်းရင်းမြစ်များ

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Aydaad 12:2

Malikih koona sanat suggu 'yek sarra, kaa kee kay mara YALLAL aamine weenimih sabbatah, YALLI ken digaaleh. Sisak deqsita numuy Masrik malikih yenehiyya alfi kee namma boolih faras-gaariy carbi edde abaanahiyya kee, lactam alfih qaskariitay faras amook qeebi abahiyya kee, Liibiya kee Sukutti kee Kuus rasuk baahe qaskaray loowo sinnihiyya luk amma 'yeh Yarusalaam magaalat qeebi abe.

2 Aydaad 12:7

YALLI woh keenik yuble waqdi, nabi lih qagseh yaabeeh, «Away yoh rammiteenimih sabbatah, ken mabaysa. Sisak Yarusalaamat qeebih abeleeh; takkay immay ken kee Yarusalaam magaala bayi mahaay ken baatik innih cateyyo. Yi naqbi elle yani'nnaak keenil mooba'mmay,

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.

2 Aydaad 34:26

Qagitteh, «Malik tiyah tu gactek, YALLAY Israayil doore Dagelta kinnihiyya kaak iyyaamahaa, ‹Atu a kitaabih yab oggolteeh,

Qedra 5:12

Ni kaxxa abbobti Yalli niqba taamat asseemih sabbatah, qaraanal yan Yalli, Kaldayah yooboke Nabkadnessaray Baabelon baaxok malikih yenehiyyak qeebil ken gacsiise. Too saaku Yallih Qibaadah-Qari yiggileeniih; tokkel suggu 'ye mara seewah Baabelon rasu fan been.

Yasaqya 42:25

Yalli toh keenik ubulla hee waqdi, isi bagcarray girah innah sinam cararissahiyya keenil ruube. Carbi keenit aba mara keenit ruube; Too carbi girah innah ken laqlaqe'mmay, tohuh edde maradinnon. Too gira ken tokmeh immay, toh baritto keenih makkina.

Ermiyaas 22:9

Sinam, ‹Amah YALLI teetil akah baahem, teetil yen mari YALLAY ken Dagelta kinnihiyya lih luk yen qahdi hawweeneenih, kaa cabba heenih duyyey gabak bicseenihiyya yaqbudeenim baahen› 'yaanam axcelon, 'yaanam kaak inxic, yok iyye» iyye.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 20:48

A gira akah baruge waytam, yooy YALLAH yani ruube gira kinnim, sinam inkih aaxigele› inxic» yok iyye.

Yacedkel 36:18

Isinni baaxoh addal, sahdat abak sugen qidiyya kee, xeet kee cooxuk bicsen duyyeeyah aban qibaadah sabbatah, yi naqbi le'nna yabloonay ken exce.

Qaamus 5:6

Qaamus iyyemii, «Maabinay YALLAL uduura. YALLAL tuduureenik, mano geetton. Toh cinteenik, Israayil ummatal Yalli, giray sahda takmehiyya siinil akkele. Beetal magaalal yan mari girat laqlaqimele. Woo gira keenih bargusa mara mageyan.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.