2 Aydaad 34:21 - NABUWWA KEE MALIKWA

²¹ Keenik iyyeemih, «Gexay yoo kee Yuuda kee Israayil ummattal tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti a kitaabal yan Yallih yab abe weenimih sabbatah, YALLAK naqbi nee geeh yan.

2 Aydaad 34:21 ပူးပေါင်းရင်းမြစ်များ

2 Malikwa 22:13

Keenik iyyeemih, «Gexay yoo kee inkih tan Yuudah ummatta tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti YALLI iyyeemiy a kitaabal tanihiyya abe weenimih sabbatah, YALLAK naqbi nee geeh yan» iyye.

2 Aydaad 29:8

Tonna-leemiik YALLI, Yuuda kee Yarusalaam magaalah marat bagcarriteeh; usuk keenil baahem kulli numut axaxo kee cunxo qidde. Isin ahim digga haytan.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Aydaad 34:20

Sarrak ahaak gubal yan amri, Cilkiyya deqsita numuy seekih yenehiyyaay, Safan baxa Acikam kee, tonnah kaadu, Miikayhu baxa Qabdonuuy, malik buxal kutbe-abeh suge Safan deqsita num kee malik buxal malik kaadintuh yen Qasaaya deqsita numul yecee.

2 Aydaad 34:22

Cilkiyya kee too mari, malik keenik elle iyye'nnal, Culda deqsitta barray nabih tenehiyyay Yarusalaam magaalak qusbih xisen exxal buxa luk tenehiyya fan gexeeniih fayu esseren. Tet baqli Sallum deqsitak yeneeh, kay abbak migaaqah Tikwa axcuk yenen. Kay abbah abba Carcas deqsitak yen. Sallum Yallih Qibaadah-Qaril edde gacan sartanak amo wagitak yen. Too mari ta nabih tan barra fan yemeeteenih malik keenil ruube farmo teetih warsen.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Yacedkel 18:14

«A num kaadu isi uddurul lab-baxa xale kaa tekkeeh, kay abba abah yan uma-taama abalih kay abto kataate weeh,

Yacedkel 36:18

Isinni baaxoh addal, sahdat abak sugen qidiyya kee, xeet kee cooxuk bicsen duyyeeyah aban qibaadah sabbatah, yi naqbi le'nna yabloonay ken exce.

1 Samuwel 9:9

«Ah meqe yaabak, nee bey hay» iyye. Too waqdi woo Yallih num elle yani'kke fan gexen. Woo magaala elle tan koomah amo awaquk sugen waqdi, lee baaha'gidih gexa baxuw keenit yongoorowe. Woo baxuuwuk, «Tu-yaaxigi magaalal elle yanii?» iyyen. Woo dabaanal Israayil baaxol nabik ‹Tu-yaaxigi› axcuk yeneenih, num Yallal tuk teena esseram faxek, ‹Tu-yaaxigil nee bey› axcuk yenen.