2 Aydaad 33:19 - NABUWWA KEE MALIKWA

¹⁹ Malik Manasse abe dooqa kee Yalli woo dooqa kaak elle oggole'nnaay; toobitaamak duma dambi kee umaanek abeh gide inkih Nabuwwah-Aydaada deqsita kitaabal yan. Usuk toobitaamak duma, bicsiiseh suge diini maleela qibaada elle abta aroocay fayyat raqtahiyyaay, Aseera deqsittaamay yaqbudeenihiyyah astah heenih sugen gurumuuda elle soolise arooca kee, gabak bicsen duyyeeyay yaqbudeenihiyya elle hee arooca inkih, kaadu woo kitaabal yan.

2 Aydaad 33:19 ပူးပေါင်းရင်းမြစ်များ

2 Aydaad 30:11

Takkay immay Aaser kee Manasse kee Dablon kedoh addak tu yakke maray YALLAH rammitehiyya gexe. Too mari farmo oggoleh Yarusalaam fan gexe.

2 Aydaad 33:20

Manasse rabe saaku malikwâ-gasol kaa yoogoqen. Kay aracal kay baxay migaaqah Amon deqsitahiyya malik yekke.

2 Aydaad 33:23

Takkay immay kay abbah innah, rammita numuy YALLA fan yaduurehiyya makkinna. Dambi abittoh isi abbak lafitta axcuk suge.

2 Aydaad 36:12

Too num kaadu YALLAY kay Dagelta kinnihiyyal dambi lem baahak sugeeh, nabi Ermiyaas kaa'lih edde yaaba YALLIH yab ankacisak mananna.

Ermiyaas 13:18

Ermiyaas kaadu qagseh iyyemii, «YALLI yok iyyemii, ‹Ama malik kee kay inak elle tanin dardaarinni korsik ooba keenik inxic. Woh akah excem, oson amot lon dardaarinni kalabta keenik raddeh.

Ermiyaas 44:10

A saaku fan yoh rammitten saaku manton. Yoo teyneben saaku kaadu manton. Anu siinih oobise xinto kataya mara makkinniton.

Daaniyel 5:22

«Takkay immay kooy kay baxah yanihiyya aham aaxagih, Yallah marammitinnitooy,