2 Aydaad 32:7 - NABUWWA KEE MALIKWA

⁷ «Abtaanamal digga 'xicaay agaagul akak caba; Assuuriyah malik kee usuk miraacisa qaskarak mameysitinaay niya haysita. Kay qaxat yan marak ni qaxat yan mari qandeh yayse.

2 Aydaad 32:7 ပူးပေါင်းရင်းမြစ်များ

2 Malikwa 18:30

Usuk, ‹YALLI nee cateh Assuuriyah-qaskar magaala nek abbixe kalelek, YALLAL eemena› siinik iyyaamah maamanina.

2 Malikwa 18:5

Ciskiyyaahu YALLAY Israayil doore Dageltah yanihiyya yeemeneeh; Yuudâ-rasi kay innah yan malik duma luk masuginnaay, sarra kaadu kay lakal magenna.

2 Malikwa 6:16

Eliisaq, «Mameysitin. Oson loonumuk nanu linom mangok» kaak iyye.

1 Aydaad 22:13

YALLI, Israayil ummatah Muusal ruube xinto duudussek, tonnal, yi baxaw, kullim gabal kok bicele. A taamal digga xicay agaagul akak cab; tuk mameysitinaay, niya kok baxqe waytay.

1 Aydaad 28:10

YALLI isi Qibaadah-Qarih xissa'gidih koo doorem kassa haay mahawweenin. Tahaysa kay qarih xisnet cultaamaay gaba kalla haytam fanah, fanat akak aade waytaama» 'yaanam kaak iyye.

1 Aydaad 28:20

Tohuk gaba kale waqdi kaak iyyeemih, «Tahaysa, yi baxaw, niya haysitaay abtaamak agaagul cabba haay digga 'xic. YALLIH Qibaadah-Qarih-taama qimbisaay, faxem takkeemih fanat akak maadayin. Dageltah yan YALLAY yi Dagelta kinni koo elle catele. A taamak gaba kalla haytam fan kol macabay koo elle catak sugele.

2 Aydaad 15:7

A saakuh tu gactek, agiira takkeenim siinil taniih; niya siinik baxaqe waytaama. A saaku abtan taamah galto Yallak geetton» keenik iyye.

2 Aydaad 16:7

Too dabaanal, Canaani deqsita nabi malik Aasal yemeeteeh, kaak iyyeemih, «Atu YALLAY ku Dagelta kinnihiyyal hinna'mmay, Suuriyah malikih qaskaral kibaal hayteemih, Suuriyah malikih qaskar kok tisillimeh.

2 Aydaad 20:15

Too waqdi Yacadiyel iyyeemih, «Amoytaay, Yuuda kee Yarusalaam ummatey, YALLI siinik iyyamaa, ‹A qaskaray kaxxam mangohiyyak mameysitinaay niya siinik addigille waytaama. Carbi Yalli siinih abele'kkal isin mabtan.

2 Aydaad 20:17

A carbih qeebi maabinay, inki aracal missowwa 'xicay elle idiya. Too waqdi YALLI siinih yacayu waa nasri isinnih abletton. Tonna'mmay Yuuda kee Yarusalaam magaalah maraw, meysi kee bagbaggoowiyya cabba haay, qeebih eweqa; YALLI sin lih yanik» 'yaanam keenik iyye.

Nacmiya 4:8

Tonna-leemiik Yarusalaam fan amma 'yeenih qeebi net abaanaah, ummatta akah baditta innah abaanamal malsen.

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Ermiyaas 42:11

Ahaysa akak meysitak sugtan Baabelon-malikik mameysitina. Anu sin lih ani'kkal siinil baaham mali› siinik iyyeeh;

Daaniyel 10:19

Too waqdi yok iyyeemih, ‹Yalli kaxxam koo kicnahak, atu tuk mameysitin. Yallih nagayna ko'lih tanayak, niya haysitaay digga inxic› yok iyye. Usuk ah iyye waqdi anu nagay ekkeh; kaak exceemih, ‹Intam faxxam inxicey, away nagay yoo abtek› kaak exce.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Zakariyya 8:9

«Yi Qibaadah Qari nammeyhaak xisoonuh rakiibô-xaa heen saaku, nabuwwa sin lih edde yabteh sugte yab a saaku nammey haak yaabbe maraw, agiira takkeenim siinil taniih, niya siinik fayya 'tay. Tah intam yoo YALLAY Nabaamak Nabahiyya.