2 Aydaad 32:25 - NABUWWA KEE MALIKWA

²⁵ Tonna'mmay Malik Ciskiyyaahu YALLI kaah abeemil, YALLAH candu gacsaamak kaxxiiniteeh; tonna-leemiik kay kaxxiinah sabbatah, YALLI kaa kee Yuuda kee Yarusalaam baaxoh marat bagcarrite.

2 Aydaad 32:25 ပူးပေါင်းရင်းမြစ်များ

2 Samuwel 24:1

YALLI qagisak Israayil ummatta yinqibeeh, Dawud gabat ken biyaakam faxe. Kaak iyyeemih, «Gexay Israayil kee Yuudah ummattak loowo abaay yakkeenih gide wagit» iyye.

2 Malikwa 14:10

Hay Amaxyaw, Edom marak qeebih teyseemih hidah rabtam kok ableh an. Yoo qeebih suumuttam, koo kee ku marah baati xalelem mataaxigaa? Maabinay, geyte iisa koo xiqtay inxicaay, is buxal elle idiy, qeebi hinnak» 'yaanam kaah ruube.

2 Malikwa 20:12

Too dabaanal Baabelon-malikiy migaaqah Maroodak-Baldan deqsitahiyya Malik-Ciskiyyaahu lakmisam yoobbeeh; too waqdi yuktube warkat kee mattaco kaah ruube.

2 Malikwa 20:13

Ciskiyyaahu farmo elle ruuben mara arcibiseeh; sarrak duyye edde daanah haan makdanwa ken yuybulle. Too makdanwah addal lakqooy dahabaay caxâ-sifa kee qatrik suggu 'tem inkih ken yuybulle. Kalah kaadu, qaskar silaacih agantah tu cabe'kal ken yuybulle. Ciskiyyaahu isi qarih adda kee isi xintoh gubat taniimik ken aybulle wayya heem mali.

1 Aydaad 21:1

Seetan Israayil ummatah bala baaham faxeeh; toh, Dawud Israayil ummatih loowo abaamat asise.

2 Aydaad 19:2

Canaaní-Yaahu deqsita nabi kaal yemeeteeh too waqdi kaak iyyeemih, «Uma-taama abaah YALLIH naqabu xagarat le mara lih gacaanam gitah abtem kot celtaa? A saaku atu abtem YALLIH naqabu koh xalteh tan.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.

2 Aydaad 25:19

Hay taway too missilah, duma Edom-marak teysek sah, geyte iisa koo maxiqtay kaxxiinah qubbuy intaa? Yoo qeebih suumutaanam koo kee Yuuday ku marah yanihiyyah baati xalelem mataaxigaa? Maabinay isi aracal elle idiy, qeebi hinnak» 'yaanam kaah ruube.

2 Aydaad 26:16

Tonna'mmay qandeh lafitak elle lafitak maacise ikkal, kaxxiina xagarat kaak gacteeh; toh baati kaah xalte. YALLAY kay Dagelta kinnihiyya kaa akah amrise weem abeeh; YALLIH Qibaadah-Qaril qaydarus elle qeerisan mansaf gexxa 'yeh qaydarus qeerise.

2 Aydaad 32:31

Baabelon rasuk temeete farmoytit woo baaxol tekkeemiy duma suge waytehiyya esseraana'gidih yemeeten saakuuy kinnih, Yalli usuk kinni num yable'gidih, isih faxem abitay, kaa iyye.

Yasaqya 39:1

Too dabaanal Baabelon-malikiy migaaqah Maroodak-Baldan deqsitahiyya Ciskiyyaahu lakmisak sugeeh, sarra qaffooteh 'yaanam yoobbe. Too waqdi yuktube warkat kee mattaco kaah ruube.

Yasaqya 39:2

Ciskiyyaahu farmo elle ruuben mara ruffa luk arcibiseeh, sarrak duyye daanah edde yabbixe makaadin ken culse. Too makaadinih addal, lakqooy dahabaay caxâ-sifaay qatri kee qaskar silaacih agantah, tu cabe'kal ken yuybulle. Ciskiyyaahu isi qarih adda kee isi xintoh gubat taniimik ken aybulle wayya heem mali.

Yacedkel 28:17

Litoh tan qax-maqaane kaxxiina koo bahsisseeh, migaq-gexxoy luk sugte hawri koo cabsisseh. Tohuk gexxaamah xabba koo heeh, baaxot koo qide. Kot tekkem tuble malikwa, tah net akkeleh, axcuk, akah meysitta 'ta digaalah koo digaale.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 28:5

Tellemmol kaadu kaxxa ixxiga luk sugteeh; tohih sabbatah mango fayda geyte. Tohut geyte gaddaliino kaxxam kaxxiina koo bahsisse.

Yacedkel 31:10

«Tonna-leemiik yoo YALLAY Mulki lehiyya iyyaamah, Too caxa dadalah qamburre guftam faxxa hayte. Tembe saaku kaxxiina bahteemih sabbatah,

Daaniyel 11:12

Too waqdi woo marak abeh yan iisak gexxaamah kaxxiina baaheleeh; mango alfitte takke qaskar qidele. Takkay immay tohuk wadir iisa geyak maraaqa.

Daaniyel 5:20

Takkay immay kaxxa kaxxiina kee isih iyyeemih fayxi baahe waqdi, malikannuk oobeeh luk suge nabna weeh.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Hosiqa 14:2

YALLAL uduuray, a dooqa Yallih garil oggol siinik geytay. Dooqah intaanamah, ‹Abba hayne dambi neh cab. YALLAW, sadgatah awurwa koh qidnaamak koo faylisnak, abnah nan dooqa nek oggol.

Cabakkuk 2:4

Qagseh iyyeemih, «Farmo ah teetik, uktub. ‹Kaxxiina-leela wagitay, kaxxiina ken roocit aamele. Meqe marah tu gactek, imaanat waarelon› » 'yaanam iyye.