2 Aydaad 31:19 - NABUWWA KEE MALIKWA

¹⁹ Tonnah kaadu, too mari ken magaaloolik dariifal tan gaandoodil sugte seekay Haaruun abuusat loowoh yanihiyya kee, Leewî-kedoh yooboke maray migaq akak yunkuttubehiyyah inkih maaqo yaceenimih taama luk yen.

2 Aydaad 31:19 ပူးပေါင်းရင်းမြစ်များ

1 Aydaad 6:54

Naharak baaxo akah yeceenim, Kohat deqsita gulubuy Leewi akak iyyan numuk radehiyyak Haaruunuk rade marak ten. Keenih yeceen magaalooli ah teeti.

1 Aydaad 6:60

Wohuk kalah kaadu Benyam-kedo luk sugte baaxol, Gabaq kee tet dariifal tan lacti malaalah baaxo kee, Qalemet kee tet dariifal tan lacti malaalah baaxo kee, Qanatot kee tet dariifal tan lacti malaalah baaxo keenih yeceen. Sittat taban kee sidoc takke magaalooli Haaruunuk rade marah yeceen.

2 Aydaad 28:15

Taaxige Efrayim-abbobti seewah abbaxuk sugen mara rubsusaanak duma, qasunuk suge mara keenik dannabah been duyyek sarisen. Sartanaay ibi kabeeliiy leek-maaqo kee dayla keenih yeceen. Boolaateh suge mara danoonal hayya heenih ruuben. Too maray seewah orbiseenih sugeenihiyya Yerikô-magaalay nakliita caxa elle tanihiyyal ken mari elle suge aracah fan ken gacsen. Isinnih Samaariyah magaalay akak yemeeteenihiyya fanah yuduuren.

2 Aydaad 31:18

Oson yakkeenimik, isinni kee isinni xaylooy agabu migooqa isinnik yuktubeenih; toh akah abeenim, woo mari inkih imaanak gexxaamah taahirik isinni abbaxuk sugeenimik ten.