2 Aydaad 31:14 - NABUWWA KEE MALIKWA

¹⁴ Leewih yooboke Imna deqsita numih baxay migaaqah Koore deqsita Yallih Qibaadah-Qarik ayrô-mawqa le kabut raqta afa dacrisak yeneeh; Yallih migaaqal baahan mattaco kee wohim elle kuran innih abbootan usuk luk yen.

2 Aydaad 31:14 ပူးပေါင်းရင်းမြစ်များ

1 Aydaad 26:12

Qibaadâ-Qarit dacayrih yan mara gulub-gulubul kurra heenih; mariiy isi gulubih saqoolinna keenik luk yen. Gersi Leewih yooboke marak kaxxih, Qibaadâ-Qaril aboonu waan taama keenih yeexegeenih yenen.

1 Aydaad 26:14

Selemyal saami caxxah ayrô-mawqa le kabut raqta afa tewqe. Kay baxay migaaqah Zakariyya deqsitak yeney meqe fayu sinaamah yeceehiyyal kaadu kilbat le kabut raqta afa tewqe.

1 Aydaad 26:17

Ayrô-mawqa le kabut raqta afat kulli ayro laca num dacayrih gacak ten. Kilbat le kabut raqta afat affara num dacayrih gacak ten. Gabbi-qaxat kaadu affara num dacayrih gacak ten. Qibaadâ-Qarih makaadanat kulli ayro affara num gacak teneeh; too fereeyik nammayaay waqdi makaadanat keenik gacak yenen.

2 Aydaad 31:13

Ken gubal taamitu waa Leewih yooboke labhak tabna num heen. Woo mari migaaqah Yaciyel kee Qadadyaahu kee Nacat kee Qasahel kee Yerimot kee Yoodabad kee Alyel kee Yismakyaahu kee Macat kee Banaaya deqsita marak ten. Tah inkih absissem, Malik Ciskiyyaahu kee sek Qadarya deqsita kaxxa seekih yen numuk ten.

2 Aydaad 31:15

Gersi magaalooliy seeka elle sugtehiyyal too taamal Leewih yooboke mari meqe'nnah kaa cate. Too maray kaa catehiyya migaaqah Qadan kee Minyaamin kee Yaasuwa kee Samaqya kee Amarya kee Sekanya deqsitak yen. Oson, keenik taama elle tani'nnal, keenik kaxxih Leewih yooboke marak qunxam kee kaxxaamak tu raaqe'kal, maaqo missal keenih meklen.

Qedra 1:4

Yallih marak elle yanin marin rasuk isi baaxo yaduurem faxa mari yenek, ken cuggaaneh yan marak, isinni baaxoh akah yaduuren innah, cato keenih aba. Dahab kee lakqo kee, taama edde aban duyyeey, merraytu kee saq keenih ucuya. Tonnah kaadu, Yarusalaam magaalal Yallih Qibaadah-Qarih isinni fayxiik ruuban duyye mattacoh keenih ucuya. Ah tuktubem yoo Fursi-maliki» 'yaanam yuktubeh ruube.

Qedra 3:5

Tohuk kalah kaadu, kulli ayro cado akak carrisan saq sadgatah qideeniih, tonnah kaadu, alsi bila waqdi aban sadgataay, wohuk kalah tan YALLIH qiidih ayroora aban sadgat kee, kalah kaadu, isinni fayxik YALLIH migaaqal aban sadgatak tu cabe'kal abak yenen.

Qedra 7:16

Tohuk kalah kaadu, Baabelon rasuk gaabosseh sugte dahab kee lakqok tu cabe'kal gabat beyay; toh lih kaadu, Israayil ummatta kee seeka ken Dagelta elle yaqbuden qariy Yarusalaamal yanihiyyah isinni fayxiik ruuben acwa gabat bey.

Nacmiya 13:13

Tohuk lakal too gaaboysen duyye elle tan qarwah taamak abbobtih, sek Selemya kee xinto elle tan innah adda aaxaguk yen Saaduk kee, Leewih yooboke Fadaaya deqsita num hee. Tohuk kalah Dakkúr-Canaan deqsita num ken cata'gidih hee. Canaan, Mattanya deqsita numuk baxi baxak ten. Ta mari aamanti le marak teneeh; ken toobokoh gaaboysen maaqo ken wadbise loonumuh ken eemeneh en.