2 Aydaad 30:24 - NABUWWA KEE MALIKWA

²⁴ Malik Ciskiyyaahu woo mari yakme'gidih, alfi awur kee illiiy wadarak kaadu tittat malcina alfih gide keenih baahe. Tonnah kaadu, malik gubal taamita doolat mari, alfi awur kee illiiy wadarak kaadu tittat tabna alfi takkem keenih baahen. Seekah mangom taahirrowte.

2 Aydaad 30:24 ပူးပေါင်းရင်းမြစ်များ

2 Samuwel 6:19

Sarrak Israayil marak lab-mara kee say marah inkih, gaqamboh ikke kee solal alaysen cadoh ikke kee, kafsen qinab-xaylok tu'baxa takkem keenih keefe. Tohuk gaba kaleenik lakal, kulli num isi buxah keenik gexe.

2 Aydaad 29:34

Mangah woo saq inkih tasguude seeka wokkel masuginnaay; tonna-leemiik Leewî mari woo saq inkih usgudda haanam fan kee gersi seeka taahirih gactam fan masgaadal seeka catak sugen. Leewî mari imaanak gexxaamah, seekak fula taahirik isinni abbaxuk sugen.

2 Aydaad 30:15

Elle-Tatriyyi-Qiid edde aben nammeyhaytoh alsak taban kee fereyhaytoh ayro, qiddi sadgatah marqa qiden. Seeka kee Leewî-marak taahirik keenik suge wee mari wohut wacarriyeeh, tonna-leemiik isinni taahirik hayya heenih, YALLIH Qibaadah-Qarih fooca le kabul cararisen sadgat baahen.

Yacedkel 45:17

Usuk too waqdi cado akak carrisan saq kee sadgatah baahan daro kee qinabak bicsen kamri, alsi biloh yakke qiid kee Sabti ayroy qiidih edde asaanahiyya kee, wohuk kalah tan ayrooray ummat qiidih edde assahiyya baaham kaal tan. Dambi kalootuk aban sadgat kee, sadgatah yeceen darooy, cado akak carrisan saq kee, amaanah xintaana'gidih astah abtan sadgat inkih, abba baahaama. Ta sadgat Israayil-ummatah dambi kalootuk orbele» iyye.