2 Aydaad 30:16 - NABUWWA KEE MALIKWA

¹⁶ Too waqdi Muusay Yallih num kinnih xinto elle inta innal, Yallih Qibaadah-Qaril kulli way elle gacoonu waan arac haysiten. Leewî-mari sadgatah qiden saqih qabala seekal yeceeniih; seeka woo qabala sadgat elle xayyoosan aracal caxxe.

2 Aydaad 30:16 ပူးပေါင်းရင်းမြစ်များ

2 Malikwa 11:14

Woo baaxol qaadah akah abak sugen innah, YALLIH Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Farcatak yan maray waxxaq iyya kee baanta yaagurehiyya tuble. Toh tuble waqdi Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

1 Aydaad 23:14

Muusay Yallih naqasuh yenehiyyah xayloh tu gactek, gersi maray Leewih yooboke migaaqal loowime.

2 Aydaad 34:31

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule.

2 Aydaad 35:15

Leewih marak Asaf gulubut raaqa maray Yallih fayla abahiyya dumaak Dawud kee Asaf kee Heeman kee Yedutun keenih heeh suge aracal gacen. Yedutun Malik Dawuduh Yallak temeete farmo baahak yen nabik ten. Qibaadâ-Qarih afal dacayrih mari isi arac macabinnay dacayrit elle yeedeeh; Elle-Tatriyyi-Qiidih taama Leewih mari ken aftok keenih abe.