2 Aydaad 29:5 - NABUWWA KEE MALIKWA

⁵ Tokkel ken lih yaabeh keenik iyyemii, «Isin Leewî-maraw, siinik axcem yok oobbeya. Taahirik isinni haa; YALLAY sin kaxxa abbobti doorehiyya elle yaqbuden qari taahirroysa. Kay Qibaadah-Qari wassakossa haytam inkih wokkek kala.

2 Aydaad 29:5 ပူးပေါင်းရင်းမြစ်များ

1 Aydaad 15:12

Too mari kaal yemeete waqdi keenik iyyeemih, «Isin Leewih marak saqoltih tantoonuuh; tonna-leemiik isinni kee isinni kedoh xayloh taahirik gactaanama. Tohuk gaba kalla haytan waqdi, YALLAY Israayil doore Dagelta kinnihiyyah Qahdih Sandug elle yani'kkek gexxeenih anu akah bicse siraq fanah baahetton.

2 Aydaad 29:34

Mangah woo saq inkih tasguude seeka wokkel masuginnaay; tonna-leemiik Leewî mari woo saq inkih usgudda haanam fan kee gersi seeka taahirih gactam fan masgaadal seeka catak sugen. Leewî mari imaanak gexxaamah, seekak fula taahirik isinni abbaxuk sugen.

2 Aydaad 29:4

Qibaadah-Qarih daaratak ayrô-mawqa le kabut raaqa aracal seeka kee Leewi-mara gaaboyse.

2 Aydaad 35:6

Elle-Tatriyyi-Qiidih maraaqe sadgatah qiddaanama. Tahaysa taahirik gacca xicay sadgatah qidan saqa missoysa. Toh abtan waqdi, Israayil mari YALLI Muusal oobise xinto intam abelon» keenik iyye.

Nacmiya 12:30

Tohuk lakal seeka kee Leewih yooboke mari, isinni nabsi taahirroyseeniih; sarra kaadu ummatta kee Yarusalaam magaalat maroh sugte gasoy xiseenihiyya kee woo gasoh afoofi taahirroysen.

Nacmiya 13:9

Sarrak, «Woo duyye addal akak sugte qari taahirroysa» 'yaanam exce. Wohuk gaba kalen waqdi, «Yallih Qibaadah-Qarih duyyeey, sadgatah daaniseenih sugen daro kee qaydarus wadir elle suge qarih gacisa» 'yaanam exce. Gacseenih.

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Yacedkel 8:6

Too waqdi Yalli yok iyyeemih, «Bani-adantow, ama'kkel takkem tablee?» yok iyye. Qagissa heeh, «Israayil mari aba qaybih tan taama ubuley. Tama table qaybik gexxaamah, yi aracay taahirik yanik yoo yeyxeereenih. Ahak sarra amahak gaca qaybi elle yakke arac abletto» yok iyye.

Ayyuqel 2:16

Inkih tan ummatak idoolaay, qunxa urru kee angu taaxe salaadah agantah, gaaboysay taahirik tan gaabowna keenih aba. Malcino qaril sugte qarus kee qibna takke way, too gaabownak raaqe waanama.