2 Aydaad 29:30 - NABUWWA KEE MALIKWA

³⁰ Malik kee baaxoh abbobti, Leewî marak, «Malik Dawud kee nabi Asaf tuktube YALLIH saare aba» iyyen. Too mari inkih gulubuh gacca 'yeh ruffa axcuk too saare abeeniih, YALLA yuqbuden.

2 Aydaad 29:30 ပူးပေါင်းရင်းမြစ်များ

2 Aydaad 23:18

Sarrak Yoyadaq seeka kee Leewih yooboke mara YALLIH Qibaadah-Qaril aban taamah abbootanat hee. Ta mari Malik Dawud ken edde hee taama kee, Muusal obte xinto elle inta innal, YALLIH sadgatah baahan saqih cado cararisaanam taamah luk yenen. Tohuk kalah, Malik Dawud elle iyye'nnal, Yallih saare qiidih asan saakih qaffaydah abbootan keenih yecee.

2 Aydaad 30:21

Kamiir-Sinni-Gaqamboh Qiidih Yarusalaamal gaaboowe mari woo qiidit malcina ayroh gide farci luk assakaxxuk sugen. Leewî-mara kee seeka kulli ayro YALLA baguuk faylisak sugte. Saareh yaaguren duyye kaadu meqe'nnal yoogoren.

2 Aydaad 30:23

kaadu aki malcina ayro qiidih asaanamal malsen. Tonnal ruffa axcuk aben.

2 Aydaad 30:26

Yarusalaam magaalah mari Dawud baxah yen Suleeman dabaanaak wadiril, annah tanim yubleh masuginnaay; tonna-leemiik kaxxam ruffa iyyen.

2 Aydaad 7:3

Israayil ummatay wokkel sugtehiyya qaraanak gira oobah tubleeh, YALLIH nabna yaybulle noori qari duudusem yublen waqdi, baaxok bagul Yallih qibaadah gommoh radeeniih, sarrak kaa fayliseeniih, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk kaa saarisen.

Qedra 6:16

Tohuk lakal seeka kee Leewih yooboke mara kee, wohuk kalah tan Israayil-ummattay marin baaxoy elle sugtehiyyak tuduurehiyya kaxxam ruffu 'yeenih; too ayro Qibaadah-Qari Yallih taamah taahirroyseenimih farcatah asen.

Qedra 6:22

Malcina ayroh Kamiir-Sinni-Gaqamboh Qiidih farcatah sugen. Assuuriyah malik oson faxaanam aba num YALLI kaa abeeh, Yallay Israayil doore Dagelta kinnih Qariy yiddigilleh sugehiyya nammeyhaak xisaana'gidih cato keenih yekkeemih sabbatah, kaxxam ruffu iyyen.

Nacmiya 12:46

Dawud kee Asaf dabaanal, Yallih fayla kee Yallah candu gacsan waqdi, miraacisah yan saqal suge.