2 Aydaad 29:27 - NABUWWA KEE MALIKWA

²⁷ Too waqdi Ciskiyyaahu, «Cado akak cararisan saq sadgatah xayyoosa» iyye. Woo sadgatih duyye yusguuden waqdi, saare abe mari YALLA faylise. Saareh yaaguren duyye yaagure mari kaadu baanta kee saareh yaaguren duyye yoogoren.

2 Aydaad 29:27 ပူးပေါင်းရင်းမြစ်များ

1 Aydaad 16:42

A namma num, ahak kalah kaadu, Yallih saare aban waqdi baanta kee giyaagib kee wohuk kalah tan duyyeeyay Yallih saareh yaagureenihiyyah abbootan luk yen. Yedutunuk lab-xaylo Qibaadâ-Qarih-afoofi dacrisak ten.

2 Aydaad 20:21

Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

2 Aydaad 23:18

Sarrak Yoyadaq seeka kee Leewih yooboke mara YALLIH Qibaadah-Qaril aban taamah abbootanat hee. Ta mari Malik Dawud ken edde hee taama kee, Muusal obte xinto elle inta innal, YALLIH sadgatah baahan saqih cado cararisaanam taamah luk yenen. Tohuk kalah, Malik Dawud elle iyye'nnal, Yallih saare qiidih asan saakih qaffaydah abbootan keenih yecee.

2 Aydaad 29:28

Toh abak sugen waqdi, wokkel suggu 'ye mari inkih baaxok bagul Yallih qibaadah gommoh raden. Cararisan sadgat cararra 'yam fan, YALLIH saare aba mari saare abak sugeeh; baanta kee gersi duyye yaagure mari tonnah, too duyye aagaruk suge.

2 Aydaad 30:21

Kamiir-Sinni-Gaqamboh Qiidih Yarusalaamal gaaboowe mari woo qiidit malcina ayroh gide farci luk assakaxxuk sugen. Leewî-mara kee seeka kulli ayro YALLA baguuk faylisak sugte. Saareh yaaguren duyye kaadu meqe'nnal yoogoren.

2 Aydaad 7:3

Israayil ummatay wokkel sugtehiyya qaraanak gira oobah tubleeh, YALLIH nabna yaybulle noori qari duudusem yublen waqdi, baaxok bagul Yallih qibaadah gommoh radeeniih, sarrak kaa fayliseeniih, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk kaa saarisen.

2 Aydaad 7:6

Too waqdi seeka, keenih yeexegen aracal solteeh, Leewih yooboke mari kaadu foocah keenit afkanuk soole. Too waqdi Leewih yooboke mari saareh yaaguren duyyeeyay Dawud keenih bicsiise yoogoren. Dawud abeh cabe saare edde heen. Saareh iyyeenimii, «YALLIH kacani mayamurruqa, kay kacani waarah yan kacanu» axcuk YALLA saarisen. Too waqdi raqqa 'ye mari soolak yeneeh; seeka baanta aagaruk ten.