2 Aydaad 29:25 - NABUWWA KEE MALIKWA

²⁵ Malik Ciskiyyaahu, Gaad deqsita nabiy YALLI Malik Dawuduh ruubehiyya kee nabi Naatan Malik Dawuduk ab axcuk sugtem abe. Ciskiyyaahu, Leewî mara kirar kee *begena digirak, giyaagib aagaruk, YALLIH Qibaadah-Qarih addal hee.

2 Aydaad 29:25 ပူးပေါင်းရင်းမြစ်များ

2 Samuwel 24:11

Dawud saaku xiinik ugutak dumal, YALLI, Gaad deqsita nabiy Dawuduh Yallih farmo baahak yenehiyyak iyyeemih,

1 Aydaad 16:42

A namma num, ahak kalah kaadu, Yallih saare aban waqdi baanta kee giyaagib kee wohuk kalah tan duyyeeyay Yallih saareh yaagureenihiyyah abbootan luk yen. Yedutunuk lab-xaylo Qibaadâ-Qarih-afoofi dacrisak ten.

1 Aydaad 21:9

Tohuk lakal YALLI, Gaad deqsita nabiy Dawuduh Yallih farmo baahak yenehiyyak iyyeemih,

1 Aydaad 23:5

Kaadu too soddom kee bacra alfik affara alfih num taamah yaallu waam, Qibaadâ-Qarih afah dacayri kee, affara alfih num kaadu YALLA saarisu waa mara akkele. Kaa saarisan waqdi, yaaguren duyyey anu keenih bicsehiyya aagaruk abelon» iyye.

1 Aydaad 28:12

Tohuk kalah kaadu, YALLIH Qibaadah-Qarih daaroota kee, woo daarootah dariifal faxxinta qarwa elle xiseh meqe innih tiyakaa, isit cella haytam inkih kaah yescesse. Qibaadâ-Qarih duyye edde haan golitte kee ummatta Yallih sadgatah bahta duyye elle haan golitte elle xisan innak isit celtam kaadu kaah warse.

1 Aydaad 28:19

Tohuk lakal kaak iyyeemihii, «Taway koh warisak sugga excem inkih, ta qarih xisne kee teetih faxxinta duyye elle bicsan gurraay, taham yoh warissem YALLAAY; usuk yok aba elle iyye'nnal tunkuttubeh tan» kaak iyye.

1 Aydaad 29:29

Kay aydaadak qimbooy ellecabo Samuwel kee Naatan kee Gaad deqsita sidooca nabih aydaadi elle yan kitoobal geytinta.

1 Aydaad 9:33

Yallih Qibaadah-Qarih addal saare abak yen mari, Leewih yooboke marak ten. Too marak abbobtih yen mari bar kee saaku too taama luk yeneemih sabbatah, gersi taama keenih maacannon. Too mari Qibaadâ-Qaril ten golitteh addal dabqah gacen.

2 Aydaad 30:12

Yalli, Yuudah ummatta titta geyya hayteh usuk faxam abtuuy, malik kee malik gubal yan marih amri edde duudussa digga keenit hee.

2 Aydaad 30:21

Kamiir-Sinni-Gaqamboh Qiidih Yarusalaamal gaaboowe mari woo qiidit malcina ayroh gide farci luk assakaxxuk sugen. Leewî-mara kee seeka kulli ayro YALLA baguuk faylisak sugte. Saareh yaaguren duyye kaadu meqe'nnal yoogoren.

2 Aydaad 35:15

Leewih marak Asaf gulubut raaqa maray Yallih fayla abahiyya dumaak Dawud kee Asaf kee Heeman kee Yedutun keenih heeh suge aracal gacen. Yedutun Malik Dawuduh Yallak temeete farmo baahak yen nabik ten. Qibaadâ-Qarih afal dacayrih mari isi arac macabinnay dacayrit elle yeedeeh; Elle-Tatriyyi-Qiidih taama Leewih mari ken aftok keenih abe.

2 Aydaad 8:14

Isi abbah raatat gexakaay usuk fiiriseh cabe gita kataatak, kulli saaku seekal tan taama kee, Leewih yooboke maray Yallih saare abta kee tonnah kaadu seeka elle catehiyyah, too taama elle kuran innal, keenih warse. Tonnah kaadu, duma kay abba Dawuduy Yallih numuh yenehiyya fiiriseh cabe gita kataatak, Yallih Qibaadah-Qarih afal dacayri abu waa mara heeh, too marah Yallih Qibaadah-Qarih afoofak kulli afal gacu waa maral, taamak tanim kee elle aboonu waan inna keenih yescesse.

Nacmiya 12:27

Yarusalaamat maroh ten gasoy tiddigilleh sugtehiyyah xisnek gaba kalen saaku, Leewih yooboke marah seeco aben. Keenih akah seeceenim, ruffa axcuk edde asaana'gidiiy, Yallah candu edde gacsaana'gid kee Yalla edde saarisaana'gidik ten. Too saarel, kirar kee begenaay giyaagib aagaruk Yalla saarisak, candu Yallah gacsen.

1 Samuwel 22:5

Ayrok teena Nabi Gaad Dawudul yemeeteeh kaak iyyeemih, «A aracay amô-reebu lel mambooroqinay, Yuudâ rasu fan gex» kaak iyye. Too waqdi Dawud Ceret deqsitta garbo fanah gexe.