2 Aydaad 29:24 - NABUWWA KEE MALIKWA

²⁴ Too waqdi seeka woo wadar tusguudeh. Malik, «Cararisan sadgat kee dambi-kaloot-sadgat Israayil marah inkih aba» 'yaanam iyyeemih sabbatah, woo wadarih qabala woo sadgat elle aban aracal caxen.

2 Aydaad 29:24 ပူးပေါင်းရင်းမြစ်များ

2 Aydaad 30:1

Ummatta Elle-Tatriyyi-Qiid naharsi alsay kaa elle abeh meqehiyyat abaanam maduudinnon. Woh akah takkem, seekak faxxintah gide taahirik masuginnaay; tonnah kaadu Yarusalaamal mango mari gaabooweh masuginna. Tonna-leemiik Malik Ciskiyyaahu kee kay gubal taamita mara kee raqqa 'te ummatta, woo qiid ciggiila alsat abaanamat caben. Too waqdi Malik Ciskiyyaahu inkih tan Israayil kee Yuudah ummattah farmo ruube. Efrayim kee Manasse kedoh meqe innal yuktube warkat ruubeeh iyyeemih, «Yarusalaamal yan YALLIH Qibaadah-Qaril YALLAY Israayil doore Dagelta kinnihiyyah nabna edde kassinna Elle-Tatriyyi-Qiid abna'gidih ama» 'yaanam keenih yuktube.

Qedra 6:17

Too ayro awurwak bool takkem qideeniih, illik namma boolih maruw kee, anaaqek kaadu affara bool sadgatah yusguuden. Tonnah kaadu wadarak taban kee namma dabeela dambi kalootuh yusguuden. Too taban kee namma dabeela taban kee nammay takke Israayil kedoh migaaqal dambi kalootuh sadgatah yusguuden.

Yacedkel 45:15

Israayil baaxol yaloole illi kee wadarak namma booluk inkittu sadgatah ucuya. «Anu dambi siinih caba'gidih, sadgatah baahan daro kee cado akak carrisan sadgat kee, amaanah xintaana'gidih astah abtan sadgat akah tacoonu waytaanam, tama inna. Tahat yabtam yoo YALLAY Mulki lehiyya» iyye.

Yacedkel 45:17

Usuk too waqdi cado akak carrisan saq kee sadgatah baahan daro kee qinabak bicsen kamri, alsi biloh yakke qiid kee Sabti ayroy qiidih edde asaanahiyya kee, wohuk kalah tan ayrooray ummat qiidih edde assahiyya baaham kaal tan. Dambi kalootuk aban sadgat kee, sadgatah yeceen darooy, cado akak carrisan saq kee, amaanah xintaana'gidih astah abtan sadgat inkih, abba baahaama. Ta sadgat Israayil-ummatah dambi kalootuk orbele» iyye.

Daaniyel 9:24

Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.