2 Aydaad 29:21 - NABUWWA KEE MALIKWA

²¹ Malik buxah marih dambi kaloot kee, Yuudâ-marih dambi kaloot takke'gidiiy, tonnah kaadu, Qibaadah-Qarih-taahirroysiyyah sadgatah yasguudeeni'gidih, malcina awur kee malcina maruwuuy malcina anaqtu kee malcina dabeela yusguuden. Too waqdi malik wokkel sugte seekay Haaruunuk raddehiyyak iyyemii, «Isin ama saq, sadgat elle aban aracal YALLIH migaaqal sadgatah usguuda» keenik iyye.

2 Aydaad 29:21 ပူးပေါင်းရင်းမြစ်များ

1 Aydaad 15:26

Leewih yooboke maray a Sandug baahehiyyal Yallih cato geenimih sabbatah, sadgatah malcina awur kee malcina maruw yusguuden.

2 Aydaad 29:20

Too waqdi Malik Ciskiyyaahu sissikuk gexxa 'yeh, magaalak saqoltih yan marah seeceeh; too mari titta lih gacca 'yeenih, YALLIH Qibaadah-Qari fan gexen.

Qedra 8:35

Allî-baaxok uduurra ye mari, Israayil doore Dageltih migaaqal cado akak cararisan saq sadgatah baahen. Sadgatah inkih tan Israayil ummattah migaaqal saqak baaheenim, taban kee namma awur kee marwak sagla-taban kee lica maruyuuy, anaaqek malcina-taban kee malcina anaqtuk ten. Too saq inkih yusguudeenih, cado akak cararisen. Tohuk kalah, isinni dambi kalootuh wadarak taban kee namma dabeela baahen.

Yacedkel 45:23

Ta malcina ayrok kulli ayro, YALLAH sadgatah malcina awur kee malcina maruw qidak sugay. Too awurwa kee marway qidahiyya hebeltoh ayma alle waytaama. Tusguudek sarra cado akak inkih carrisaama. Tonnah kaadu, dambi kalootuh, dabeela kulli ayro qidaama.