2 Aydaad 29:19 - NABUWWA KEE MALIKWA

¹⁹ Malik Acad Yalla cine saaku beeh suge duyye gacisneh. Too duyye inkih Yallih taamah gacisne. Woo duyye inkih YALLIH sadgat elle aban mansafih foocal hayne» kaak iyyen.

2 Aydaad 29:19 ပူးပေါင်းရင်းမြစ်များ

2 Malikwa 16:14

Dumaak YALLIH qibaadah qiden sadgatah heenih sugen aracay nacaasak bicseenihiyya, YALLIH Qibaadah-Qarik foocal, qusba sadgat arac kee Qibaadâ-Qarik fanal gace. Sarrak tokkek kalla heeh, isih xise qusba aracak kilbat le kabut hee.

2 Malikwa 16:17

Acad kaadu YALLIH Qibaadah-Qaril ten nacaasak bicsen gaariirak galdaddaqin nacaas kaleeh, woo gaariirah amol sugte sacnitte wokkek kaleh. Tonnah kaadu, taban kee namma awur ceeloy nacaasak bicseenihiyyah amol yen kaxxa tanakay nacaasak bicseeni wokkek kalla heeh, xaak bicsen rakiiboh amol hee.

2 Aydaad 28:24

Acad kaadu YALLIH Qibaadah-Qaril sugte duyye wokkek beeh, rike-rikeh kureeh, Qibaadâ-Qarih afoofi alfe. Yarusalaam magaalah gitittek xaqul sadgat elle aban arooca xise.

2 Aydaad 29:18

Leewî mari Malik Ciskiyyaahuk iyyemii, «Inkih yan YALLIH Qibaadah-Qari taahirrosne. Sadgat elle aban arac kee edde aban duyye kaadu taahirrosneh. Tonnah kaadu, taahirroysen-gaqambo elle haan miiz kee elle xayyoosan duyye taahirrosne.

2 Aydaad 29:20

Too waqdi Malik Ciskiyyaahu sissikuk gexxa 'yeh, magaalak saqoltih yan marah seeceeh; too mari titta lih gacca 'yeenih, YALLIH Qibaadah-Qari fan gexen.