2 Aydaad 28:3 - NABUWWA KEE MALIKWA

³ Hinnom deqsitta golol gabat bicsen duyyeh qaydarus qeerisak suge. Kaadu girat isi xaylo sadgatah qide. Woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih tan qaadah gabbaaqiyyak ten.

2 Aydaad 28:3 ပူးပေါင်းရင်းမြစ်များ

2 Malikwa 16:3

Duma sugte Israayil amoytiitik kaxxih, Yalli niqbam abak suge. Ayrok teena Acad girat isi baxa sadgatah qide. Usuk woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih-tan qaadah gabbaaqiyyak ten.

2 Malikwa 23:10

Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.

2 Aydaad 33:2

Manasse, Israayil-mari yamaateemik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh; YALLAL dambi lem baahe.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Aydaad 36:14

Tohuk kalah kaadu, Yuudah abbobti kee seekah abbobti Yalla cinna hayteh, cuggaaneh keenik yan mari edde ase umâ-yabulih-tan-taama inkih kataateeniih, xeet kee cooxuk bicsen duyyeeyah qibaadat gacen. YALLI isih taahir abe Qibaadah-Qari nadaasa aben.

Ermiyaas 19:13

Yarusalaam magaalah qarwaay, malikwâ qarwa kee magaalal enna 'ya marih qarwa, nadaysa akah takke innah abeyyo. Too qarwah amol, yaqbuden cutuukah qaydarus ruubak sugen. Mango qaynatih duyyey yaqbudeenihiyyah amol, qibaadah qinabak bicsen kamri caxak sugen. Tonna leemiik too qarwa inkih nadaysa akah takke'nnah absiiseyyom keenih waris› » yok iyye.

Ermiyaas 2:34

Xagarat liton sartan tu-maleela kee umaane sinni marih qabalat isinnik bayisseenim matablan. Masaakiina akke waytek, umeynitil bahtaanam manton. Tonna'mmay ta axxul le umaanet taniiniih,

Ermiyaas 32:35

Baqal akak iyyan gabak bicsen duyyey yaqbudeenihiyyah, Hinnom-Golo deqsita aracal, sadgat elle aban arac xiseeniih; tokkel migaaqah Molok yalla akah iyyan duyyey yaqbudeenihiyyah sadgatah isinni xaylo yusguuden. Annah tanim anu keenik aba excem hinna. Annah tanim yi kasal way temeetem hinna. Yuudâ-mari annah taniimiy umâ-yabulih tanihiyyay dambi keenil takkehiyyat aseloonum makkalinniyo» 'yaanam iyye.

Miika 6:7

Sadgatah illik mango alfi baaheey, qadad sinni zeytiy (saliidiy) caxâ-xaylok bicseeni kaah bahnaamah, YALLI ruffa edde maay iyya? Hinnay kaadu abne dambih kaqalsoh, naharsi-baxa, cado inkitanuuk akak cararisan sadgatah naceemih, YALLI ruffa edde maay iyya?» intan sin tekkek,

Yoosuwa 15:8

Too aracaak Hinnom-Golok qaxa-qaxa gacca 'yah, gabbi-qaxak Yarusalaam deqsitta magaalay Yabuusâ mari elle yanihiyya fan gufa. Tokkeek cuduud keenikii, Hinnom deqsitta golok ayrô-culma le kabut raqta koomah amoh amma 'yaanam guffa haah, tokket yaade. Tohumuu, Refaayim Golo deqsitta golo kilbat le kabuk edde taadee aracak ten.

Makaabon 2:11

Tohuk lakal Israayil mari YALLIH garil dambi lem abak maacisen. Yalla cabba heenih Baqal deqsittaamay Yallih innah yaqbudeenihiyyah qibaadat gacen.

Makaabon 2:13

Too mari YALLA cinna heeh, Baqal kee Qastarot akak iyyan duyyeh qibaadat gacen.