2 Aydaad 28:20 - NABUWWA KEE MALIKWA

²⁰ Tiglat-Fileeser deqsita Assuuriyah malikiy usuk farmo akah ruubehiyya yemeeteh immay, usuk kaak faxe cato hinnay, gibdaabina kaal baahe.

2 Aydaad 28:20 ပူးပေါင်းရင်းမြစ်များ

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 17:5

Tohuk lakal Assuuriyah-malik Israayil baaxo yibbixeeh, Samaariyah-magaala marot hee. Marot tet abbaxuk sidiica sanat tikka 'yek sarra tet yibbixeh. Tohum, Hosiqa malik edde yekke sagalhaytô sanatak ten. Israayil mara seewah Assuuriya fan beeh, wokkel ken nookise. Garab Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

1 Aydaad 5:26

Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

1 Aydaad 5:6

Baqalaay Beera xale. Beeraay Ruubenik rade marak saqalah yen numuuy; Tiglat-Fileeser deqsita numuy Assuuriyak malikih yenehiyya seewah kaa bee.

2 Aydaad 30:6

Farmoh ruuben mari, malik kee malik gubal taamita mari keenik elle iyye innal, inkih tan Yuuda kee Israayil rasu gexeeniih; yuktuben warkat akriyuk, keenik iyyeenimih, «Israayil maraw, YALLAY Abraahim kee Iscaakaay Yaqkuub doorehiyyal uduura; toh abteenik, siiniy away Assuuriyah marih gabak cate mara kinnihiyyal aduurele.

Yasaqya 30:16

Tohih aftok isin, «Kaxxa arda le faariisit gacca 'neeh kudenno» inten. Nummah kudetton! Sin faariisa kaxxa arda lem takkaleeni'mmay, ama lakak sin yayradde mari siinik aakumele.

Yasaqya 30:3

Takkay immay isin aleeloh liton Masri baaxo, qaybi siinih xalele. Masrit faxxen reebi qaybi siinih xalele.

Yasaqya 7:17

YALLI, koo kee ku ummatta kee ku buxah maral, Israayil Yuudak baxsinte saakuk wadir akke wee taqabi kee gibdaabina ruubele. Assuuriyah malik siinit ruubele.

Yasaqya 7:20

«Toh takku wayta saaku YALLI, xagor sinaamak moola Assuuriyah malik, Furaat weeqaytuk woo kabuk siinit ruubele. Too num deben kee amô-xagor kee xagaral yan xagor inkih siinik moolele.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Ermiyaas 2:37

Masri addak wacarriyih gamoomak awqetton. Anu isin elle teemenen mara siinik cineh. Tonnal oson siinih tu xiqe waa mara akkelon» 'yaanam YALLI siinik iyya.

Yacedkel 16:28

Assuuriyah mara lih kaadu dalwa abte. Ken mareytá tekke'mmay, koo cayisoonu yeffereenih.

Hosiqa 5:13

«Israayil ummat biyaakittu waytaah, Yuudah ummat daleela lem isik tabalu wayta saaku, Israayil catoh Assuuriyah malikil gexele. Takkay immay biyaakak ken macatay; daleelak ken muurusa.