2 Aydaad 26:8 - NABUWWA KEE MALIKWA

⁸ Qammon mari qusuur kaah mekelak yen. Qandeh lafitak lafteeh; tonna-leemiik kay migaq Masri baaxoh agantah gexeeh; too baaxol kinni way yontoobbeh.

2 Aydaad 26:8 ပူးပေါင်းရင်းမြစ်များ

2 Samuwel 8:13

Qasbô-Golo deqsita aracal Edom marak taban kee bacra alfih num qidda heeh yuduurek wadir, migaq kaak antaabbuk yontoobbe.

2 Samuwel 8:2

Tohuk lakal kaadu Mooyab marak yeyseh. Sarrak carbit yibbixe mara baaxok bagul deerih ken hayya heeh, akatal ken kiyassa heeh, sidoc-sidoc yakke marih addak namma-namma num keenik beyak ken qide. Tohuk wadir Mooyab-mari kay gabat gaceh, gabbara kaah acayuk yenen.

1 Aydaad 14:17

Dawud migaq kulli baaxol yontoobbeeh; YALLIH fayxi edde teneemih taagah, kulli doolat kaak meysitak xinte.

2 Aydaad 17:11

*Filistiin marak tu takkem mattacoh lakqo kee kalah tan duyyeeya kaah bahte. Qarab marak baali tonnah, mattacoh illik malciina alfi kee malcina boolih maruw kee, wadarak kaadu malciina alfi kee malcina boolih dabeela takkem baahen.

2 Aydaad 20:1

Ayrok teena Mooyab kee Qammon qaskar Maquunim deqsita maray qalla lih luk yeneenihiyya lih gacca 'yeenih, Yuudâ-rasu wararen.

2 Aydaad 26:9

Yarusalaam magaalat maroh edde heen gasoosa maqar bahsiisa'gidih, Rukni-Afa deqsita arac kee Goloh-Afa deqsita aracih amol, allak tamaatem akak yablen qari xise. Gaso akak makkinta aracal kaadu tonnah yan qari xise.

2 Aydaad 27:5

Qammon malik kee kay qaskarat, kaa kee kay mara qeebi abteeh; too qeebil keenik yeyseenih. Qeebil keenik yeysek wadir, qusuur ken mekelsiise. Sidiica sanatak kulli sanatal sidiica alfi kee affara boolih kiilo lakqok kaah acayuk sugen. Kamadik alfih tonni kaah acayuk sugen. Alfih tonni kaadu gabru deqsitta darok kaah acayuk sugen.

1 Samuwel 11:1

Alsak wadiril Qammon-malikiy Nacas deqsitahiyya Gilqad-rasuk Yaabes-deqsitta-magaala yabbixe'gidih gexeeh maro teetit hee. Yaabes-magaala elle tenem, Gilqad deqsitta baaxok ten. Yaabes-mari Nacasak iyyemii, «Amoytiinuh koo oggoleh immay ninni kee ku fanal bica abnaama» kaak iyyen.