2 Aydaad 26:21 - NABUWWA KEE MALIKWA

²¹ Tohuk wadir rabba 'yam fanah a dalkah sabbatah taahirik manannaay, Qibaadâ-Qari culaamak waasot yen. Tonna leemik sinaamak baxsimeh dibuk yan qarit yeneeh; kay baxay Yootam deqsitahiyya kay aftok baaxo xiinisak yen.

2 Aydaad 26:21 ပူးပေါင်းရင်းမြစ်များ

2 Malikwa 7:3

Affara numuy arab takme kaxxam uma dalkah biyaakittahiyya Samaariyah-magaalah gasoh afal ten. Oson tittak iyyeenimii, «Rabnam fan akkel abnam macaa?

2 Aydaad 26:20

Too waqdi Qadarya kee raqte seeka aham tubleeh; «Qibaadâ-Qarik xayuk eweq» axcuk kaa yiysissiken. Quddiyya kaadu YALLIH digaala yuble waqdi, sissikuk yewqe.

2 Aydaad 27:1

Yootam malik yekke saaku qumrik labaatanna kee koona sanatat yen. Yarusalaam magaalal taban kee lica liggida malikih suge. Kay ina Yaruusa deqsitta barrak ten. Tet abba Saaduk deqsita numuk ten.