2 Aydaad 26:18 - NABUWWA KEE MALIKWA

¹⁸ «Aham maabin, Quddiyyaw» kaak iyyen. «Aham ku taama hinna, YALLAH qaydarus qeerisaanam koo wagintam hinna» kaak iyyen. Qagseenik kaak iyyeenimih, «A taama abtaamih cakki lem, dagaak Haaruunuk rade marak tan. Akkel qaydarus rubteemih YALLIH naqabu isil oobisse. A taahirik yan aracak eweq. Tahak wadir YALLI barkat koo waysiisele» kaak iyyen.

2 Aydaad 26:18 ပူးပေါင်းရင်းမြစ်များ

2 Aydaad 19:2

Canaaní-Yaahu deqsita nabi kaal yemeeteeh too waqdi kaak iyyeemih, «Uma-taama abaah YALLIH naqabu xagarat le mara lih gacaanam gitah abtem kot celtaa? A saaku atu abtem YALLIH naqabu koh xalteh tan.

2 Aydaad 30:7

Sin kaxxa abbobti kee sin innah yan Israayil mari akah suge innal, YALLAY sin kaxxa abbobti doorehiyyal imaan sinni mara makkina. Isin akah tablen innah, YALLI wohuh ken uma'nnah digaaleh.

Ermiyaas 13:18

Ermiyaas kaadu qagseh iyyemii, «YALLI yok iyyemii, ‹Ama malik kee kay inak elle tanin dardaarinni korsik ooba keenik inxic. Woh akah excem, oson amot lon dardaarinni kalabta keenik raddeh.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Yoosuwa 22:15

Too mari Ruuben kee Gaad kee ayrô-mawqa le kabut raqta Manasseh yooboke maray Gilqad rasul yanihiyya fan yemeeteeniih;

1 Samuwel 2:30

Yoo YALLAY Israayil doore Dagelta kinnihiyya, ku buxah marak atu akak radde gulubut yan mari qumri keenik yanim fan yi taamah taamitta seeka akkelon 'yaanamal, duma xagana keenih culeh suge. Awayah tu gactek, woo xagni bagul keenih maan. Yoo yaynabe mara aynabeyyoh, yoo buri intit yable mara buri intit ableyyo.